Свет

Новинар се обиде да се запали во Вашингтон поради „израелскиот геноцид во Газа“

Маж по име Самуел Мена, кој се претставил како новинар, се обидел да изврши самозапалување во близина на Белата куќа во Вашингтон, каде протестирал против израелскиот геноцид во Газа.

На видеата објавени на социјалните мрежи, се гледа дека полицијата го спречила момчето да се запали.

– Јас сум новинар. Ве молам, запрете ги лажните вести, извикал младиот човек за време на обидот да се запали.

Еден од демонстрантите се обидел да го изгасне огнот со вода, но Мена претрпел изгореници на рацете.

Сведоци тврдат дека мажот рекол дека е новинар на Си-Би-Ес и ја обвинил оваа медиумска куќа за ширење лажни вести за Газа.

Ова е четвртиот обид за самозапалување на пропалестинските протести во САД.

Најголемо внимание привлече случајот на 25-годишниот Арон Башнел, кој беше на активна должност во американското воено воздухопловство, кога на 24 февруари се самозапалил пред амбасадата на Израел во Вашингтон.

Башнел го пренесувал неговото самозапалување во живо на социјалните мрежи.

– Повеќе нема да учествувам во геноцидни злосторства – извикал Башнел пред да се полее со бензин и да се запали./MИА

Фудбал

Флик: Оваа Барселона е различна од мојот Баерн

Тренерот на Барселона, Ханс-Дитер Флик ги отфрли споредбите меѓу неговиот сегашен тим и Баерн Минхен кога тој ги предводеше Баварците.

Барселона победи на 8 од 9 натпревари во шпанското фудбалско првенство сезонава. Денес го совладаа Алавес (3:0).

Флик одби да прави споредба на Барселона со нивото на неговиот Баерн.

– Не сакам да споредувам тимови. Оваа Барселона се разликува од тој Баерн. Среќен сум, но во фудбалот се може да се промени. Задоволни сме со работата што ја направивме, но треба да се фокусираме на следните предизвици. Има причини зашто не победивме со Осасуна и Монако, но, не сакам да гледам назад. Не го направивме тоа што требаше, што разговаравме. Секогаш е важно да ја подобриме нашата игра, изјави тренерот на Барселона.

Во Ла Лига, Барселона е лидер со 24 бода, три повеќе од Реал Мадрид./МИА

Фудбал

Инзаги: Интер заслужено ги доби сите три натпревари откако го загуби градското дерби

Тренерот на Интер, Симоне Инзаги даде свое видување за средбата со Торино.

Актуелниот италијански шампион синоќа го совлада Торино со 3:2 во домашниот натпревар од 7.коло на Серија А.

- Победивме три пати по ред откако го загубивме дербито со Милан. Не можам да му замерам ништо на тимот. Заслужено ги добивме сите три натпревари. Мора да се подобриме во одредени аспекти, секоја грешка скапо не чини. Сите знаеме дека мора да продолжиме да работиме во истиот дух, рече Инзаги.

Со 14 освоени бода, Интер се наоѓа на второто место во Серија А.

На 20 октомври Интер ќе гостува кај Рома во 8. коло./МИА

Свет

Бајден подготвува уште поголема помош за Украина пред крајот на мандатот

Американскиот претседател Џо Бајден разви нов план за Украина пред неговото заминување од функцијата, пишува порталот „Конверсејшн“.

Во статијата се наведува дека шефот на Белата куќа сака да остави наследство, а напредокот во поддршката на Украина може да биде неговата „последна победа“ која ќе се памети.

„Прво, тој сака да испрати јасна порака дека САД ќе ја поддржуваат Украина. Камен-темелник на ова беше состанокот во Белата куќа минатата недела меѓу Бајден, (потпретседателката Камала) Харис и (украинскиот претседател Володомир) Зеленски“, сметаат авторите на статијата.

Со ова, Бајден сака да покаже дека Киев останува главен приоритет за Вашингтон. Во исто време, тој сака да создаде слика дека американската поддршка ќе продолжи и на начин што ни (претседателскиот кандидат Доналд) Трамп нема да може да ја игнорира.

Бајден исто така работи на зголемување на воената помош за Украина, пишува порталот.

Бајден неодамна најави зголемување на воената помош за Украина во форма на пакет од осум милијарди американски долари. Средствата ќе обезбедат ново оружје за зајакнување на капацитетот на Украина за напади на долги растојанија, што исто така сугерира дека Бајден одобрува поофанзивна тактика против Русија./МИА

притисни ентер