Европскиот парламент неодамна одлучи да ги укине моторите со внатрешно согорување во Европската унија, што значи дека германските производители на автомобили мора брзо да почнат да прават промени, пишува „Revijahak“.
Не им недостигаат пари за транзицијата, бидејќи автомобилските производители во последно време бележат рекордни профити. Хилдегард Милер, претседателка на Здружението на германската автомобилска индустрија (ВДА), во новото интервју за германскиот „morgenpost.de“, сепак, изрази загриженост за својата индустрија.
„Потребни ни се практични решенија. Околу 10 отсто од автопатиштата се градилишта, а околу 4.000 мостови треба да се санираат. Затоа имаме сеопфатна потреба да ја обновиме железничката и патната инфраструктура“, рече Милер.
Зошто треба да се поправаат мостовите? Батериите на електричните камиони се исклучително тешки. Поради ова, Министерството за транспорт во моментов не може да издаде сообраќајна дозвола за поголем број камиони тешки над 44 тони.
Се разбира, кога е таква ситуацијата со инфраструктурата во Германија, можеме да се запрашаме како е во остатокот од Европа.
Извор: Б92