Македонија

Николоски од Росоман: Идната влада на ВМРО-ДПМНЕ ќе го изгради експресниот пат Прилеп-Градско

Од Росоман можам да кажам дека за откупот на праските планираме изнаоѓање на нови пазари кои што ќе донесат подобри цени, понатаму поддршка за изградба на ладилници и за стимулирање на откупувачи.

Од Росоман можам да кажам дека за откупот на праските планираме изнаоѓање на нови пазари кои што ќе донесат подобри цени, понатаму поддршка за изградба на ладилници и за стимулирање на откупувачи, секако тука е делот на реконструкција на постојните водоводни системи за наводнување и изградба на нови системи и за тоа се предвидени големи средства во делот за земјоделие за двете ставки некаде по стотини милиони евра. Понатаму враќање на системот за субвенции кои што е правичен и кој што значи според она што го обработуваат земјоделците. Тука е и поделбата за земја, да завршиме со олигархиското и картелското делење на земја каде што огромни површини на земји ги земаат луѓе кои што не се по потекло од општината во која што добиваат земјиште и најчесто не ја работат таа земја. Така што бројни проекти планираме во земјоделието кое што треба да ја подобрат состојбите во земјоделството, истакна Александар Николоски, потпретседател на ВМРО-ДПМНЕ и носител на ИЕ 4 на денешниот митинг во Росоман во рамки на претседателската и парламентарната кампања.

Николоски во текот на своето обраќање пред граѓаните од Росоман и на експресниот пат Прилеп-Градско кој е многу значаен за овој регион. Николоски вети дека идната влада предводена од ВМРО-ДПМНЕ ќе го заврши овој пат до 2027 година.

-Исто така тука е и инфраструктурата, тука поминува една од најзначајните артерии за целиот пелагониски регион, за цела централна Македонија, тоа е експресниот пат Прилеп-Градско кој што е симбол за неспособноста на СДС и ДУИ. 7 години не успеа да го изградат, но исто така е симбол и за криминалот на СДС и ДУИ затоа што бројни афери се поврзани за изградбата на овој пат. Ние ветуваме дека до 2026 година ќе се завршат двете фази од експресниот пат кој што требаше одамна да бидат завршени и третата фаза која што воопшто не е почната до сега, ќе биде завршена до 2027 година како би целосно се комплетирал овој експресен пат кој што треба да ја промени состојбата со економијата, со стопанството во целиот регион, потенцираше Николоски.

На крај тој вети дека ВМРО-ДПМНЕ има уште многу други бројни проекти кои се значајни за граѓаните од овој период.

-Имаме и бројни други проекти кои се поврзани со сите области кои се од витално значење за сите вас со цел тука да остануваат луѓето, а не да бегаат надвор и да останува полето необработено, порача тој, се наведува во партиското соопштение.

Автомобилизам

Наскоро е премиерата на новиот електричен автомобил на Киа (ФОТО)

Денеска Киа ја објави планираната презентација на ново електрично возило за 23 мај.

Станува збор за сериската верзија на концептот EV3 претставен минатата есен, чие име ќе го носи во производство, а ќе биде најмалиот електричен автомобил од корејскиот производител.

Некои фотографии од концептниот модел протекоа денеска, а дизајнот има стилски знаци од теренецот со средна големина EV9, како и од компактниот кросовер EV5, моментално достапен исклучиво во Кина.

Клучните детали ја вклучуваат формата на кутија и дизајнот на дневните светла што Kia ги нарекува Star Map. DRL ќе бидат додадени и на ажурираниот EV6 што треба да излезе наскоро.

EV3 е субкомпактен кросовер, сличен на Volvo EX30 и неодамна претставениот Mini Aceman. Продажбата е планирана за подоцна оваа година, а Kia претходно наведе почетна цена од близу 35.000 американски долари, иако достапноста во САД не е најавена.

EV3 најверојатно вози на флексибилната E-GMP платформа на Hyundai Motor Group која се наоѓа на EV6 и EV9, како и некои понуди на Hyundai и Genesis. За да ги намали трошоците, се смета дека Kia ја прескокна верзијата од 800 волти на платформата во корист на поевтина верзија од 400 волти. Ова ќе значи малку побавно време на полнење, иако Kia навести дека полнењето од 30-80% со помош на брзиот полнач DC сепак може да се направи за близу 30 минути.

Kia планира да има 14 ЕВ во својата глобална постава веќе во 2027 година. Компактен хечбек наречен EV4 исто така е во план, како и електричен пикап камион што ќе се продава во САД.

Регион

Си пред посетата на Србија го критикуваше НАТО за бомбардирањето на Белград во 1999 година

Кинескиот претседател Си Џинпинг денеска, на последниот ден од посетата на Франција и во пресрет на посетата на Србија, го критикуваше НАТО за бомбардирањето на Белград во 1999 година, пренесе Бета.

„Пред 25 години на денешен ден, НАТО флагрантно ја бомбардираше кинеската амбасада во Југославија, при што беа убиени тројца кинески новинари. Тоа никогаш не треба да го заборавиме. Кинеско-српското пријателство, создадено со крвта на нашите сонародници, ќе остане во заедничката меморија на Кинезите и српскиот народ“, изјавил Си пишува Фајненшл тајмс.

Лондонскиот весник наведува дека во Нов Белград, каде што била Амбасадата, денеска биле истакнати националните знамиња на Кина и Србија, а активистите на Сојузот на комунистичката младина на Југославија (СКОЈ) и на Новата комунистичка партија на Југославија (НКПЈ) во понеделникот беа истакнати транспаренти пред зградата на Кинескиот културен центар, која е вклучена на тоа место и на кои пишува „Добредојдовте претседателе“, „Косово е Србија - Тајван е Кина“ и улицата „Кинески жртви на агресијата на НАТО“.

Кинескиот претседател денеска ја завршува посетата на Франција и вечерва доаѓа во дводневна посета на Србија, во рамки на неговата мини европска турнеја, во која ќе ја посети само уште Унгарија.

Свет

Европратеник и неговиот помошник се осомничени за шпионажа во корист на Кина

Денеска белгиската и германската полиција извршиле претрес во канцелариите на екстремно десничарскиот пратеник во Европскиот парламент Максимилијан Крах и неговиот помошник Џијан Г, како дел од истрагата за сомневање за шпионажа за Кина.

Германските власти објавија дека федералното обвинителство побарало претрес на канцелариите на Крах, главниот кандидат на екстремно десничарската Алтернатива за Германија (АфД) на изборите за ЕП во јуни оваа година, и неговиот помошник Џијан Г, кој е осомничен за „активности на агент на тајната служба“, пренесува „Политико“.

Германската полиција во април годинава го уапсила Џијан Г., а како што пишува Дојче веле, постои сомневање дека тој со години доставувал информации од Германија и Европскиот парламент до кинеските служби.

Инспекторите се сомневаат дека Џијан Г. ја искористил својата позиција во кабинетот на Крах за да пренесе информации од парламентарниот живот до кинеското Министерство за безбедност.