Свет

Нема да има втор референдум за Брегзит

Втор референдум за Брегзит нема да има, изјави денеска портпаролот на британската премиерка Тереза Меј.

Втор референдум за Брегзит нема да има, изјави денеска портпаролот на британската премиерка Тереза Меј, повторувајќи го нејзиното уверување дека нејзиниот план за напуштање на Европската унија е единствен начин да се постигне договорот кој ги исполнува владините цели.

„Британскиот народ гласаше за напуштање на Европската унија. Нема да има втор референдум...под било кои околности“ – изјави портпаролот пред новинарите, а пренесе „Ројтерс“.

Британската влада на 6 јули постигна договор за позициите за преговорите за идниот статус на Обединетото Кралство и Европската унија после Брегзит, изјави премиерката Тереза Меј.

Министрите го поддржа планот за создавање на слободна зона за трговија за индустриската и прехранбената роба со ЕУ, на основна на заедничкиот правилник, како и “комбинирана царинска територија“, пренесе „БиБиСи“.

Македонија

Ковачки: За Свети Николе предвидуваме изградба на магистрален гасовод до Велес

За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе.

Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува.

Драган Ковачки, носител на изборна единица 3

Свет

При уривање на автопат во јужна Кина загинаа 36 лица

Уривање на дел од автопат во кинеската провинција Гуангдонг предизвика пад на повеќе возила, при што загинаа 36 лица, а 30 беа повредени, јавија денеска државните медиуми, во моменти кога милиони Кинези патуваат за празникот Први мај.

Уривањето, предизвикано најверојатно од пороен дожд, се случи во средата околу 02:10 часот на автопатот Меиџоу-Дабу, јави новинската агенција Синхуа, додавајќи дека урнатиот дел бил долг 17,9 метри и предизвикал пад на 23 возила.

Меиџоу е една од областите во Гуангдонг во јужна Кина, што е силно погодена од поројни дождови и град од крајот на април, што предизвикаа опасни лизгања на земјиштето, поплавени куќи и уништени мостови.

Причината за несреќата се истражува. /МИА

Македонија

Уште пет дена за претставување на предизборните програми и политички понуди

Денеска,е последен ден за објавување на резултати од анкети поврзани со учесниците во изборниот процес.

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ.

На 30 април заврши пријавувањето за гласање на болните и немоќните лица, а до 4 мај на полноќ тоа треба да го сторат и избирачите кои на денот на гласањето се наоѓаат на издржување мерка куќен притвор. Тие заедно со лицата кои се на издржување казна затвор или се во притвор, како и пријавените од дијаспората гласаат ден пред изборниот ден, на 7 мај.