Здравје

Неколку мали промени во корист на псичхичкото здравје

Постојат одредени мали навики - ситници коишто може поволно да влијаат на човековото псичхичко здравје. Следат седум совети од стручњаците за емотивна благосостојба на умот.

1. Вечера најмалку три часа пред легнување

Вечерањето порано е добро и за варењето и за мирен сон. Советот тука гласи - јадете најмалку три часа пред спиење. Така и нивото инсулин ќе биде складно и најпогодно.

2. Мобилниот телефон подалеку од креветот!

На многумина, паметниот телефон им служи како будилник... Но, можеби „традиционалниот“ будилник е подобра опција, за мобилниот и неговите штетни влијанија да бидат што подалеку од креветот, пишува хрватски „Дневник“.

Исто така, не се препорачуваат одложувања на ѕвонењето, бидејќи тоа само го зголемува стресот наутро.

3. Вежби за дишење при туширање

Утринското туширање е всушност идеален почеток на денот и може да се искористи и како можност за вежби за дишење. Тие се состојат од бавно вдишување и уште побавно издишување. И, останете будни, секако.

4. Почнете го денот барем со кратка прошетка

Според лекарите, човек треба да минува надвор околу два часа дневно. Утрата се тие што го даваат среќниот тон на денот и ноќта. Затоа, се препорачува барем куса прошетка на свеж воздух пред 10 часот. На пр., човекот може да го паркира автомобилот малку подалеку од својата работа или да излезе од јавниот превоз неколку станици порано.

5. Прифатете ги лошите денови наместо да се обидувате да ги свртите

Понекогаш обидите да се сврти лошиот ден се бесмислени и само трошат енергија. Наместо труд и напор „да се поправи“ денот, многу поделотворна е помислата дека не мора постојано да се чувствуваме совршено.

Во ред е понекогаш да се откажат планови и да се каже „не“ на барањата што се поставуваат“. Факт е дека животот е составен од добри и лоши мигови.

6. Вечерна рутина

Ноќните рутини се уште еден мал чекор којшто може да биде корисен за психичкото здравје. На пр., добра навика е и куса медитација близу свеќа, или пак, читање книга пред спиење. Има и други слични обични навики за опуштање.

7. Совршенството не постои!

Можеби ова звучи како клише, но таа е вистината. Мислењето дека можеме да бидеме совршени лесно може да се претвори во опсесија и слабост. Факт е дека никој не е совршен, а и не треба да биде. Колку побрзо човек го прифати тој факт, толку полесно ќе му биде во животот. /МИА

Македонија

Ковачевски: Македонскиот јазик денес е на исто рамниште со официјалните јазици во ЕУ

Ковачевски за Ден на македонскиот јазик: Македонскиот јазик денес е на исто рамниште со официјалните јазици во ЕУ, тој е темел на нашиот идентитет.

Претседателот на Социјалдемократскиот сојуз на Македонија, Димитар Ковачевски, упати честитка до граѓаните по повод денешниот ден, 5 мај, Ден на македонскиот јазик.

Во честитката, Ковачевски посочува дека денеска оддаваме почит кон создавачите на македонскиот литературен јазик и ја продолжуваме мисијата за негова афирмација и заштита.

„Денеска кога го одбележуваме Денот на македонскиот јазик, оддаваме должна почит кон сите создавачи на македонскиот литературен јазик и ја продолжуваме мисијата за негова афирмација и заштита.

Македонскиот јазик денес е дел од нашата лична карта во Обединетите нации. Со потпишувањето на договорот со ФРОНТЕКС на чист македонски јазик, го издигнавме нашиот јазик на исто рамниште со останатите официјални јазици во Европската Унија, на кабините за превод во ЕУ стои нашиот македонски јазик.

Македонскиот јазик е темел на нашиот идентитет, грижата за негово зачувување и унапредување останува наш приоритет, затоа што влог во јазикот е влог во иднината. Нека ни е честит 5 мај, Денот на македонскиот јазик“, вели во честитката, претседателот на СДСМ, Димитар Ковачевски.

СДСМ

Свет

Зеленски во обраќањето по повод Велигден, ги повика Украинците да се обединат во молитвите

„Да се молиме еден за друг. Кога сите се зближивме еден до друг, престанавме да бидеме туѓи еден на друг“, рече Зеленски во обраќање на социјалната мрежа Телеграм.

Претседателот на Украина, Володимир Зеленски денеска во обраќањето по повод Велигден, ги повика своите сонародници да се обединат во молитвите и да се молат еден за друг и за војниците на линијата на фронтот, велејќи дека Бог - кој го има „украинското знаме на рамениците“ - ќе направи животот да ја победи смртта.

„Да се молиме еден за друг. Кога сите се зближивме еден до друг, престанавме да бидеме туѓи еден на друг“, рече Зеленски во обраќање на социјалната мрежа Телеграм.

Стоејќи пред црквата „Света Софија“ во Киев, Зеленски истакна дека неговата земја веќе 802 дена се бори за победа против Русија.

Македонија

Силјановска Давкова: За христијаните нема поголем празник од Велигден

Нема за христијаните поголем празник, изјави денеска кандидатката за претседател на државата, Гордана Силјановска Давкова, честитајќи го Велигден пред Соборниот храм во Скопје.

- Како се чувствувам? Како и секој од вас. Што би рекол епископот, како возљубена родољупка. Црквата е домот. Патот ни го покажува Христос. Тоа е патот на љубов, на добрина, на почит, мислам дека треба да го следиме. Јас сум решила тоа да го правам и ќе продолжам, рече таа.