Откако се откажале од чекање за сопственикот, работниците за реновирање на улица го опколиле непрописно паркираното возило со бетон и заминале дома.
Необичната глетка станала атракција, а возилото мистериозно исчезнало ноќта меѓу саботата и неделата.
Набрзо автомобилот бил пронајден на блискиот паркинг, а тамошните новинари успеале да пронајдат лице кое се претставило како син на сопственикот на Toyota Scion.
Тој тврди дека семејството немало поим што се случува додека не дознале од медиумите.
Дополнително, тој објаснил дека возилото таму го оставил пријател на неговата сестра кој го позајмил.
Еден од локалните портали јавува дека работниците неуспешно се обиделе да го најдат сопственикот и на крајот го известиле дежурниот градски управител.
Но, тој не можел да им помогне, бидејќи просторот формално бил предаден на изведувачот. Бидејќи бетонските цистерни веќе пристигнале на улицата, одлучено е возилото да се огради и да се продолжи со работа.