Здравје

Научно докажано: Жителите на градовите со повеќе зеленило, живеат подолго

Граѓаните кои живеат во позелени населби во градовите , според научна студија имаат помала стапка на смртност.

Придобивките на дрвјата во градовите одамна се познати затоа што дрвјата го ладат и чистат воздухот и ги апсорбираат гасовите кои предизвикуваат ефект на стаклена градина што се главните виновници за глобалното затоплување. Научниците од Институтот за глобално здравје во Барселона наведуваат во наодите на студијата дека дрвјата во градовите носат уште еден голем адут - намалување на ризикот од предвремена смрт.

„Повеќе зеленило = повеќе здравје. Луѓето живеат подолго време ако се опкружени со зелени површини“, вели Марк Нувенхујсен, директор на Институтот за урбанистичко планирање, животна средина и здравје.

Студијата користела податоци од девет други студии и вклучила резултати од повеќе од осум милиони луѓе во седум земји од Канада до Кина, и е најголема досега спроведен на оваа тема, велат авторите.

Сателитските слики се користеле за мерење на количината на вегетација, која вклучува дрвја, тревници и грмушки на 500 метри од домовите на жителите.

Нивоата на вегетација се мерела со користење на системот за нормализирање на растителниот индекс (NDVI).

Луѓето вклучени во студијата биле следени неколку години и во податоците биле вклучени случаите на прерана смрт предизвикана од срцеви и респираторни заболувања.

Студијата објавена во списанието „ The Lancet Planetary Health journal “ открива дека во градовите од Барселона, Шпанија до Перт, Австралија, зголемувањето од 10 проценти на зелениот простор намалува 4 проценти предвремена смрт.

Научниците конкретно не се осврнале на специфичните причини, но Нувенхујсен посочува дека вегетацијата има корисен ефект врз менталното здравје, го намалува стресот, го намалува загадувањето и ја стимулира физичката активност.

„Треба да ги зголемиме зелените површини во многу градови (...) за луѓето навистина да живеат поздрави животи“, рече тој, додавајќи дека „прекрасен зелен град“ е оној каде што вегетацијата опфаќа 20 до 30 проценти од секоја населба.

Обединетите нации проценуваат дека две третини од светското население до 2050 ќе живее во градови , и затоа многу градови веќе бараат да го зголемат зелениот простор.

Така, Меделин во Колумбија засади илјадници дрвја за да формира „зелени коридори“ по големите автопати, додека Мелбурн во Австралија бара да ги удвои зелените куполи (кои сочинуваат крошна од дрво) за 40 проценти до 2040 година.

Регина Ветер, директор на мрежата „Градови- кули“, ги истакнува другите придобивки од зеленилото во градот. „Дрвјата, ливадите, зелените места ги подготвуваат нашите градови за ефектите од глобалните климатски промени. Тие го намалуваат ризикот од поплавување, пониски температури и го подобруваат квалитетот на воздухот“.

Македонија

Земјотрес ноќеска регистриран во Скопје

Земјотрес со јачина од 1,9 степени по Рихтер е регистриран ноќеска во 01:39 часот во Скопје. Епицентарот на земјотресот потекнува од Скопското епицентрално подрачје. 

Сеизмолошката опсерваторија при Природно-математичкиот факултет во Скопје утринава информира дека земјотресот бил со интензитет од три степени според Европската макросеизмичка скала и дека е почуствуван од населението во Скопје и околината.

Македонија

Полицаец со уште двајца учествувал во киднапирање маж- го претепале и му барале 10.000 евра

Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода, соопштуваат од Обвинителството.

Свет

Израелскиот амбасадор во Шведска го осуди палењето на Куранот во Малме (ВИДЕО)

Амбасадорот на Израел во Шведска, Жив Нево Кулман, го осуди денеска палењето на Куранот во Малме.

Две лица денеска го запалија Куранот во Малме, а едното од нив беше завиткан во израелско знаме, објави „Тајмс оф Израел“.

„Палењето на светата книга Куранот додека се вее израелското знаме е грозен чин на непочитување, не само за 20 отсто од израелските граѓани кои се муслимани, туку и против вредностите како што се толеранцијата и меѓусебното почитување. Го осудувам овој кукавичкиот чин на најсилен можен начин. Малме треба да го обедини музиката наредната недела поради Евровизија“, објави Кулман на платформата Х (Твитер).

Како што претходно објави финскиот јавен сервис Yle, две лица вчера прво прочитаа делови од Библијата, го влечеа Куранот на кучешки поводник, запалија страници од муслиманската света книга и го згазија палестинското знаме.

притисни ентер