Технологија

Научниците ја откриле најстарата мртва галаксија (ВИДЕО)

Научниците открија галаксија што престанала да формира нови ѕвезди пред повеќе од 13 милијарди години, што ја прави најстарата „мртва“ галаксија некогаш видена.

Откритието на вселенскиот телескоп Џејмс Веб може да го промени нашето знаење за раниот универзум, објави Анса.

Истражувањето го спроведе меѓународен тим предводен од Тобијас Лусер, од Институтот Кавли на Универзитетот во Кембриџ.

Во истражувањето учествувал и Италијанецот Стефано Карниани од Scuola Normale Superiore di Pisa.

- На галаксиите им треба богато снабдување со гас за да формираат нови ѕвезди, а раниот универзум беше како раскошно бифе - рече Лусер.

Сепак, според податоците од телескопот Веб, древната галаксија била краткотрајна, формирајќи ѕвезди пред 30 и 90 милиони години, а потоа запрела.

Постојат неколку можни причини за ова, но најверојатната е присуството на голема црна дупка која го вовлекла најголемиот дел од меѓуѕвездениот гас во себе, отстранувајќи ги суровините потребни за формирање на нови ѕвезди. Ова обично се случува во последните епохи, додека новооткриената галаксија датира само 700 милиони години по Големата експлозија, објави ЛајвСајанс.

Забава

Пролетна модна ревија на домашни миленици

На 15 јуни во „Јавна соба“ ќе се одржи првата модна ревија на домашни миленици во организација на Асоцијацијата на стилисти за домашни миленици на Македонија.

Организаторите најавуваат околу 15-тина сопственици на салони за домашни миленици кои ќе се претстават со својот миленик - модел и ќе објаснат на кој начин го третирале крзното кај миленикот, а пред да почне дефилето, ќе се разговара и за стандардот на занимањето - стилист за домашни миленици, кој е обврзувачки за сите грумери.

Настанот ќе биде збогатен и со штандови на кои ќе може да се претстават пет шопови, увозници на козметика за миленици, одгледувачници.... Поканети се да учествуваат и креатори на накит и облека за миленици.

Настанот нема натпреварувачки карактер. Целта е да се промовира грумингот во земјава и да се подигне свеста за правилното третирање на крзното на домашните миленици.

Свет

Украина соопшти дека во изминатата ноќ соборила 23 дронови лансирани од Русија

Украинската противвоздушна одбрана соопшти дека синоќа соборила 23 од вкупно 24 дронови камикази лансирани од Русија на територијата на Украина.

Соопштението било објавено на социјалната мрежа Телеграм од украинските воздухопловни сили.

Оттаму посочија дека беспилотните летала биле лансирани од територијата на Курската област во Русија и Крим. Се додава дека воздушниот напад бил одбиен, а беспилотните летала биле соборени над регионите Харков, Херсон и Дњепропетровск, забележува Укринформ.

НБА

Јокиќ: Минесота е одличен и талентиран тим, ќе се бориме до крај

Кошаркарот на Денвер, Никола Јокиќ изјави дека Минесота е голем и талентиран тим, но истакна дека Нагетс ќе се борат за пласман во следната фаза од плејофот во НБА лигата, пренесуваат американските медиуми.

Минесота вечерва го победи Денвер со 106:99 и поведе со 1:0 во полуфиналето од плејофот на Западната конференција на НБА.

-Тие се одличен тим, талентирани. Покажаа зошто беа први на табелата во поголемиот дел од оваа сезона, изјави Јокиќ на прес-конференцијата по натпреварот.

Српскиот ас на прес-конференцијата се пошегува кога го прашаa што треба да се поправи и што да прави бидејќи играчите на Минесота постојано му се менувале во одбрана.

-Би сакал да имам клон, знаеш, да излезам да одморам и тој да игра. Потоа се враќам свеж. Ми ставија високи играчи, добри скокачи, дефанзивци... Беа агресивни. Јас сум среќен со ударите што ги упатив, некои не, но тоа е кошарката, ќе се обидеме да ги победиме во следниот натпревар, додаде Србинот.

притисни ентер