Технологија

НАСА работи на робот-куче за спасувања на Месечината

Мултидисциплинарен научен тим на НАСА веќе наголемо „ги подучува“ роботите „на четири нозе“ да се движат по месечевите кратери и други слични предизвикувачки површини.

Како дел од истражувањето финансирано од американската вселенска агенција, стручњаци од повеќе универзитети и вселенскиот центар „Џонсон“ на НАСА уште од летото 2023 година тестираат тн. „робот-куче“ наречен „Спирит“ (Spirit). На последниот тест кај глечерот Палмер во Орегон, што траел пет дена, направата минала низ различни терени, па и низ снег врз карпести површини користејќи ги своите метални ногарки.

- „Роботот-куче“ мора да биде способен да открие што се случува кога е во интеракција со земјата и брзо и соодветно да ги приспособи своите стратегии за движење, изјави истражувачот Феифеи Кијан.

„Спирит“ е тестиран од тим инженери, стручњаци од когнитивните науки, геолози и астрономи, како дел од проектот под назив „Legged Autonomous Surface Science in Analog Environments“ (ЛАССИЕ). Според истражувачите, тестот помогнал да се дознае повеќе за одликите на земјената површина и движењето по потешки терени. Се собраа сознанија и искуства коишто ќе се користат за „обука“ на роботи за на Месечината, другите планети и можеби на површини вон нашиот Сончев Систем.

- Кога стапалото на роботот ќе се лизне на мраз или ќе пропадне во мек снег, тоа нè инспирира да бараме нови начини и стратегии што ќе ги поместат границите на човековото знаење и ќе овозможат нова технологија. Учиме и стануваме подобри од воочените неуспеси, појасни Кијан.

Тимот тврди дека роботот може „да чувствува“ кога оди на нерамни површини - слично како човек, како и кога земјата се поместува под неговите нозе.

Под надзор на тимот, „Спирит“ ги подобрил своите способности за подвижност преку тестови на песочните плажи во Јужна Калифорнија, Националниот парк „Вајт Сендс“ во Ново Мексико (САД), планината Маунт Худ и други места.

Тимот планира да развие повеќе роботи со четири нозе за мисиите, а НАСА обезбеди двегодишно финансирање од два милиони долари. Целта на тимот е да ѝ помогне на НАСА да распореди роботи на Месечината заради идна соработка во мисиите.

За многумина најфасцинантниот аспект на истражувањето е способноста на „роботот-куче“ да се трансформира во мост, пирамида исл., што ќе му овозможи да спаси човек и на потежок терен. /МИА

Свет

Шолц го осуди нападот врз европратеник од германската Социјалдемократска партија

„Мораме јасно да ставиме до знаење дека никогаш не смееме да трпиме такви акти на насилство“, рече Шолц на конгресот на Партијата на европските социјалисти (ПЕС) во Берлин.

Германскиот канцелар Олаф Шолц остро го осуди синоќа нападот во кој беше претепан европратеник од неговата германска Социјалдемократска партија и изрази загриженост дека ваквите акти на насилство се зголемуваат и „се закана“ за демократијата во земјата.

„Мораме јасно да ставиме до знаење дека никогаш не смееме да трпиме такви акти на насилство“, рече Шолц на конгресот на Партијата на европските социјалисти (ПЕС) во Берлин.

Тој предупреди дека „демократијата е загрозена од таквите постапки“.

На конгресот во Берлин, партијата објави во декларација дека гласачите може да сметаат на европските социјалисти дека ќе се спротивстават на крајната десница.

„Никогаш нема да соработуваме, ниту да коалицираме со екстремната десница“ – ова е цврстото ветување на гласачите што левичарските политички лидери денеска го дадоа во декларацијата што ја усвоија во германската престолнина.

Македонија

На Денот на македонскиот јазик велиме: СДСМ го заштити и го унапреди македонскиот јаазик

На Денот на македонскиот јазик со гордост велиме: СДСМ го заштити и го унапреди македонскиот јазик

Со многу посветеност, труд и ентузијазам СДСМ ги исполни заложбите за заштита и унапредување на македонскиот јазик.

На Денот на македонскиот јазик сите со гордост велиме: СДСМ го заштити и го унапреди македонскиот јазик.

Сонот и аманетот на Блаже Конески се исполнети, владата предводена од СДСМ успеа да се избори за македонски јазик признат и потврден од сите.

Македонскиот јазик е на исто рамниште со сите јазици во Унијата. Македонскиот јазик во ЕУ, признат и потврден, еднаш, засекогаш.

Направивме историски исчекор, со сите 27 членки го потпишавме првиот документ со Европската унија на официјален македонски јазик, чист, без фусноти, без ѕвездички и додавки.

Службите на ЕУ вработуваат преведувачи за македонски јазик.

Со Законот за употребата на македонскиот јазик, СДСМ направи вистински потфат во унапредувањето на јазикот.

Од овој Закон произлегуваат многу важни иницијативи, меѓу кои и стипендирање ученици од четврта година средно образование и на додипломски, магистерски и докторски студии, со што се прави голем исчекор кон мотивирање на младите за проучување на македонскиот јазик.

Се отвораат нови работни места за лектори во институциите. Се преземаат конкретни и суштински чекори за македонскиот јазик, за негова заштита.

На предлог на СДСМ денешниот ден е прогласен за ден на македонскиот јазик, во чест на 5 мај 1945 година кога првата влада на Народна Република Македонија ја усвоила азбуката на македонскиот јазик како официјално писмо.

СДСМ чувајќи го македонскиот јазик, како наша посебност, како наша татковина, ја зајакнува државноста и темелот на македонскиот идентитет.

Скопје, 05.05.2024

СДСМ

Македонија

Честитка по повод празникот Воскресение Христово - Велигден од претседателот на ВМРО-ДПМНЕ

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес.

Честитка по повод празникот Воскресение Христово - Велигден од претседателот на ВМРО-ДПМНЕ Христијан Мицкоски

Дозволете ми од мое лично име и од име на ВМРО-ДПМНЕ да го честитам големиот христијански празник, Христово Воскресение - Велигден, на сите верници.

Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна.

Воскресението е потврда дека надежта секогаш ќе победи, човековата волја, љубов и верба можат да допринесат за поубав свет.

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација.

Христос Воскресе! За многу години Велигден!

Со почит,

Христијан Мицкоски

претседател на ВМРО-ДПМНЕ

Центар за комуникации на ВМРО-ДПМНЕ