Автомобилизам

Најпродаваниот електричен автомобил во Европа доби нова верзија (ВИДЕО)

Рено реши да направи нова верзија на електричен автомобил по моделот Зое , бидејќи сакаат да бидат конкурентни по појавувањето на електричните верзии на Пежо 208 и Опел Корса.

Рено Зое е најпопуларниот електричен автомобил во Европа , а сега ќе добие нова верзија. Освен дизајнот , целосно ќе се смени и механиката. Капацитетот на батеријата е зголемен на 52kWh , а досегот е 389 км.

Батериите се компатибилни со брзи полначи , така што за половина час ќе се полни за досег од 145 км. За да се наполни целосно дома, ќе му треба помалку од 9,5 часа.

Новиот модел ќе биде и нешто побрз и за само 7,1 секунда ќе достигнува до 100км/час. И внатрешноста е подобрена со 9,3 инчен екран за инфотеинмент и 10 инчен екран за инструментите . За одредени функции ќе биде доволен мобиле и соодветна апликација.

Свет

Магдалена Гроно нов главен дипломатски советник на Мишел

Актуелната виша советничка за надворешна политика на претседателот на Советот на ЕУ, Шарл Мишел, Магдалена Гроно, дополнително е именувана и за негова нова главна дипломатска советничка.

Како што соопшти Европскиот совет, Гроно ќе го наследи Симон Мордју, кој е избран за заменик генерален секретар на Европската служба за надворешни работи (ЕЕАС), на која должност треба да стапи на 1 јули годинава.

Во соопштението на Европскиот совет се наведува дека Мишел му се заблагодарува на Мордју за неговата професионалност и посветеност во работата.

- Неговиот придонес имаше влијание врз успесите во надворешната политика на ЕУ и беше високо ценет дома и во странство. Претседателот Мишел му посакува се најдобро на Симон на неговата нов должност, се наведува во соопштението и се изразува уверување дека Мордју ќе даде свој голем придонес во ЕЕАС. /МИА

Свет

Зеленски отпушти висок разузнавач поради обвинувања за корупција

Украинскиот претседател Володимир Зеленски го разреши Илја Витјук, висок функционер во разузнавачката служба СБУ, поради обвинувања за корупција, јави ДПА.

Указот е објавен синоќа на веб-страницата на украинскиот претседател, без да се прецизираат причините за разрешувањето.

Витјук беше шеф на одделот за кибер безбедност на Службата за безбедност на Украина (СБУ).

Претходно, украинските медиуми објавија истраги во кои беше наведено дека сопругата на Витјук купила луксузен стан во центарот на Киев. /МИА

Македонија

Ковачки: За Свети Николе предвидуваме изградба на магистрален гасовод до Велес

За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе.

Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува.