Автомобилизам

Најатрактивниот модел на Опел има ново име и поголем дострел (ФОТО)

Mokka, еден од најатрактивните модели на Opel и кросовери воопшто, се нуди и во електрична верзија, а се комерцијализира под името Mokka-e.

Со редизајнот го доби новото име Mokka Electric.

А редизајнот првенствено се однесува на погонот. Како и кај другите електрични модели на концернот, моќноста на електромоторот сега е 156 КС, а вртежниот момент е 260 Nm. Со инсталирање на нова батерија од 54 kWh, досегот се зголеми на 406 km според WLTP, значително повеќе од претходните 338 km. Покрај новата батерија, дел од заслугата оди и на помалата потрошувачка на енергија која сега изнесува 15,2 kWh/100 km.

Mokka Electric постигнува максимална брзина од 150 km/h, а до 100 km/h забрзува за помалку од 10 секунди. Да споменеме и дека возачите можат да избираат помеѓу три режими на возење: Eco, Normal и Sport. Полнењето на батеријата е можно на полначи со моќност до 100 kW кога полнењето до 80% капацитет трае половина час. Може да се полни и со трифазна наизменична струја благодарение на вградениот полнач од 11 kW - преку ѕиден полнач (Wall box) или со кабел за домашен штекер.

Цената се уште не е објавена, како и датумот кога Corsa-e и Corsa Electric ќе го поминат истиот третман за подмладување.

Фудбал

Голманот на Баер Леверкузен постави нов рекорд во Бундеслигата

 Чуварот на мрежата на Баер Леверкузен, Лукас Храдецки, стана првиот странски голман во историјата на Бундеслигата кој одиграл 292 натпревари.

Триесетичетиригодишниот фински голман настапи изминатиот викенд во победата на Леверкузен од 5-1 против неговиот поранешен клуб Ајнтрахт Франкфурт, соборувајќи го рекордот што претходно беше во сопственост на голманот на Борусија Менхенгладбах и на Баерн Минхен, Швајцарецот Јан Сомер (291 настапи).

„Сакам да ги читам весниците и извештаите од натпреварите и таму ја прочитав информацијата. Ме исполнува со гордост и чест што можам да играм во таква прекрасна земја и лига и за два фантастични клубови“, изјави Храдецки за телевизискиот оператор ДАЗН.

Храдецки му се приклучи на Ајнтрахт во 2015 година и забележа 101 настапи за клубот од Франкфурт пред да се пресели во Леверкузен во 2018 година. Неделниот натпревар беше негов 191. лигашки настап за новиот германски шампион.

Баер Леверкузен е во рекордна серија од 48 натпревари без пораз во сите натпреварувања од почетокот на сезоната.

Забава

Фото:Убавата Дилета ја отвори сезоната на костими за капење

Најатрактивната спортската новинарка и водителка во Европа, Италијанката Дилета Леота, набрзо по раѓањето на своето прво дете, ќерката Арија, се врати на работа пред ТВ екраните и фудбалските стадиони.

Убавата Дилета е во брак со поранешниот голман на Ливерпул, Лорис Кариус.

Благодарение на редовните тренинзи и адекватната исхрана, убавата и згодна мама брзо ја врати линијата што ја имаше пред породувањето, а нејзините обожаватели ширум светот со нетрпение го очекуваа враќањето на Дилета во ритамот од пред бременоста и објавувањето на фотки во бикини.

Тоа на нивна радост и се случи, Дилета објави фотографии од базен, каде со ќерката ужива во приватноста на својот дом, а дека изгледа бомбастично докажа и во едноделен розов костим за капење кој одлично и стои.

Македонија

Од среда до викендот нестабилно со пороен дожд и грмежи

Во следните три дена, почнувајќи од среда, под влијание на влажни бранови во поголем дел од земјава ќе биде нестабилно со пороен дожд и грмежи. 

Локално процесите ќе бидат поинтензивни во форма на невреме со пообилен дожд за кратко време и засилен ветер.

Дневните температури од четврток ќе бидат во опаѓање.

Во деновите од викендот условите за нестабилност ќе се намалат.

Времето утре ќе биде сончево и топло со мала до умерена облачност. Ќе дува слаб до умерен ветер претежно од југозападен правец. Попладне ќе има изолирана појава на краткотраен пороен дожд и услови за ретки грмежи. Минималната температура ќе биде во интервал од 4 до 10, а максималната ќе достигне од 20 до 27 степени.

Во Скопје слично време со минимална температура од 8, а максимална дневна до 27 степени.

притисни ентер