Со почетокот на новата година словенечкиот град Нова Горица и германскиот Кемниц ја презедоа титулата европски престолнини на културата за 2025-та, со што во следните 12 месеци тие ќе бидат домаќини на повеќе културни настани, изложби и перформанси со кои ќе биде истакнато заедничкото богатството на европски култури.

Како што соопшти денеска Европската комисија, дополнителна димензија на овие активности ќе им додаде и фактот што годинава се одбележуваат 40 години од покренувањето на иницијативата за прогласување на европски престолнини на културата.

Според еврокомесарот за меѓугенерациска правичност, млади, култура и спорт, Глен Микалеф, Нова Горица и Кемниц ќе имаат можност да ги покажат различностите, идентитетите и вредностите на европските култури, истовремено истакнувајќи го она што ги зближува европските граѓани во славењето на различност, идентитети и вредности на ЕУ.

- Честитки за нашите европски престолнини на културата во 2025 година, Кемниц и Нова Горица, изјави Микалеф, додавајќи дека ова претставува и можност „да се размислува за влијанието на оваа престижна иницијатива во изминатите 40 години“.

Официјалната инаугурација на Кемниц за европска престолнина на културата за 2025 година ќе се одржи на 18 јануари, а на Нова Горица на 8 февруари.

Според најавите на властите, како носител на оваа титулата Нова Горица има намера да расте заедно со соседниот пограничниот италијански град Горица, станувајќи „европска престолнина на културата без граници“. На овој начин, според најавите, концептот на границите ќе може да се истражи од повеќе димензии си помош на културни и уметнички средства,

Кемниц, пак, титулата европска престолнина на културата за 2025 година ќе ја одбележи под мотото „Види го невиденото“ и има за цел да ја зајакне улогата на граѓанското општество преку културни проекти и да изгради мрежа на „европски креатори на демократијата“.

Како признание за квалитетот на нивните подготовки за одбележување на титулата европска престолнина на културата, Европската комисија донесе одлука на Нова Горица и Кемниц да им ја додели наградата „Мелина Меркури“, чија парична вредност изнесува 1,5 милиони евра и е финансирана во рамки на програмата „Креативна Европа“.

Според ЕК, титулата европска престолнина на културата им овозможува на градовите што ја носат да го засилат својот локален и регионален развој преку културата и им обезбедува долгорочни културни, економски и социјални придобивки, како за самите нив, така и за околните региони.

- За да бидат избрани, градовите мораа да постават културна програма со силна европска димензија, промовирајќи го активното вклучување на заедниците во нивниот град, се додава во соопштението.

Инаку, титулата европска престолнина на културата во 2028 година ќе ја носи Скопје, заедно со францускиот град Бурж и чешкиот Чешке Будејовице. /МИА

- Чекаме одговор затоа што конкретен одговор на конкретниот предлог што го изнесовме не добивме, изјави денеска портпаролката на партијата Богданка Кузеска на прес-конференција во седиштето на партијата.

Кузеска рече дека во изминатите шест месеци имало понуди за повеќе национални платформи, декларации и повици за обединување и повтори оти жално е да се гледа како партиите од власта го користат терминот за обединување за политичка поделба.

- Но, бидејќи СДСМ како што кажав не била и нема да биде неконструктивна опозиција, претседателот на партијата Филипче и на последната прес-конференција изнесе реална понуда, а не лажна, која што би служела за поделби. Понудивме формирање тимови од сите парламентарни партии кои ќе работат на платформа за да се дефинираат стратешките позиции во сите области, платформа која ќе биде надпартиска, наднационална и надетничка. Со тоа ќе може да се создаде платформа во која сите партии ќе имаат придонес и секако дека никој нема да ја поседува таа платформа. И дефинитивно тоа според нас е рецепт за вистинско обединување. Не слушмавме одговор за оваа наша понуда, а граѓаните токму тоа го бараат од политичарите. Се друго сметаме дека е една дневна манипулација, рече портпаролката на СДСМ.

СДС е партијата во Македонија која стави печат на се што подразбира партизација во државата, но и пошироко во општеството.

СДС партизираше се по ред, а во последните седум години владеење ги имаше докажаните партиски кадри во судството, како судиите Дамева и Георгиев, обвинителката Русковска и ова се имиња само за илустрација.

СДС не ги остави на страна ниту безбедносните служби, па така тука ги имаше докажаните партиски кадри како Димовски, Муслиу, Зечевиќ. И ова се само неколку од низата партијци во безбедносните служби.

СДС со Каранфилова Пановска го партизира дури и невладиниот сектор.

Сега ВМРО-ДПМНЕ работи на професионализација на службите и тоа на сите по ред. ВМРО-ДПМНЕ има кадри за кои од институции е потврдено дека се соодветни на функциите кои ги вршат. Да потсетиме, Антикорупциска не виде причина за постапка за Христовски, а Христовски има сертификат според сите стандарди.

СДС има единства грижа како да ја пресече врската со докажаниот корупционер Заев.

ВМРО-ДПМНЕ работи постојано за доброто на сите граѓани во Македонија.

Центар за комуникации на ВМРО-ДПМНЕ