Исландската полиција соопшти дека маж и жена во раните 20-ти години биле пронајдени во близина на местото на несреќата во Солејмасандур.
Портпаролот на полицијата објави дека причината за смртта ќе биде откриена по обдукцијата на почетокот од следната недела.
Тој истакна дека не се пронајдени докази дека се работи за кривично дело, додавајќи дека имало знаци на замрзнување на телата.
Воен авион на САД остана во 1973 година без гориво и се урна на плажа во близина на Солејмасандур. Никој не бил повреден во инцидентот. Уништениот авион и натаму се наоѓа на местото и стана туристичка атракција, пренесува Би-Би-Си.
Полицијата соопшти дека пристигнале на местото на настанот во четвртокот, откако женското тело било пронајдено на патеката што води кон остатоците од авионот. Телото на мажот било пронајдено два часа подоцна.
Автомобилот, за кој се верува дека двојката го изнајмила, е пронајден на паркинг во близина.
Шефот на исландската асоцијација за туризам, Јоханес Тор Скуласон изјави дека неговата организација работи со хотели и компании за изнајмување автомобили ги предупредиле туристите на лошото време.