Живот

На аукција за 117 000 евра се продадоа чизмите што ги носел Наполеон додека бил во егзил (ВИДЕО)

Чизми за кои се верува дека му припаѓале на францускиот император Наполеон Бонапарта биле продадени во петокот за 117.000 евра на аукција во Париз, објави аукциската куќа Binoche and Giquello.

Чизмите што ги носел Наполеон I во егзил на островот Св. Хелена биле продадена за 117.208 евра, соопшти аукциската куќа.

Чизмите, наречени „коњски“, високи 48 сантиметри, се изработени од фина црна кожа со ниска потпетица, а првично биле проценети меѓу 50.000 и 80 000 евра.

Овие чевли му ги позајмил генералот Анри-Гатин Бертранд (1773-1844), кој бил со Наполеон на Св. Елена, на скулпторот Карло Марокети (1805-1867) додека ја правел скулптурата за гробот на Наполеон. Синот на скулпторот, баронот Марокети потоа му ги подарил чевлите на сенаторот Пол Ле Рукс (1850-1923).

Чизмите оттогаш останале во сопственост на семејството Ле Рукс. Наполеон, кој сакал да носи чизми, ги нарачувал од чевларот Жал, кој живеел на Монмартр во Париз.

Царот бил висок 169 сантиметри, што во тоа време било малку над просечната висина на мажите. Наполеон носел обувки што ќе одговараат на денешниот број помеѓу 40 и 41 .

Регион

Во Србија продолжува парламентарна расправа, се чека гласање за новата влада

Српскиот парламент претпладнево ќе ја продолжи првата вонредна седница на која единствена точка на дневен ред е избор на Влада и давање заклетва на претседателот и членовите. 

Се очекува дискусијата да продолжи, по што пратениците треба да гласаат, јавија српските медиуми.

Продолжението на првата вонредна седница на Националното собрание во актуелното свикување е закажано за девет часот. На седницата, која почна вчера, излагање поднесе претставникот за состав на новата Влада Милош Вучевиќ.

Во тричасовното обраќање пред пратениците, меѓу другото, тој истакна дека владата што ја предлага ќе биде влада на континуитет во најголема мера, како и дека полноправното членство во ЕУ останува стратешки приоритет на Србија. Тој наведе и дека најголемиот предизвик на новиот кабинет ќе биде одбраната на суверенитетот, ќе се предложи задолжителен воен рок од четири месеци. Вучевиќ порача дека членовите на Владата мора да бидат тим, дека секогаш мора да бидат подготвени да ги штитат националните и виталните интереси на Србија, а неговото прво и единствено барање е несомнената лојалност кон татковината. На Собранието му предложи 31 член на кабинетот, меѓу кои има осум нови личности. /МИА

Свет

Земјотрес од четири степени во поширокото подрачје на Лос Анџелес

Земјотрес со јачина од 4,1 степени според Рихтер синоќа го погоди поширокото подрачје на Лос Анџелес, соопшти Сеизмолошкиот институт на САД.

Земјотресот се случил во областа Корона, во близина на Лос Анџелес, објави Фокс.

Земјотресот бил почувствуван во пошироката област, западно до Лос Анџелес, Лонг Бич, округот Оринџ и Санта Кларита./МИА

Свет

Колумбија најави прекин на дипломатските односи со Израел поради војната во Газа

Колумбискиот претседател Густаво Петро изјави синоќа дека ќе ги прекине дипломатските односи со Израел поради војната во Појасот Газа. 

Петро претходно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.

„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има геноциден претседател“, нагласи синоќа Петро во Богота на собир по повод Меѓународниот ден на трудот. Светот не може да биде слеп пред настаните во Газа, нагласи тој. /МИА

притисни ентер