Здравје

Можете ли да си ги допрете прстите на нозете?

Овде секој сантиметар е важен, а ако почувствувате болка во одреден дел од телото, состојбата е сериозна!

Семјуел Чен е физикален терапевт од Њујорк, кој открива на што задолжително треба да внимавате.

Како што старееме, вежбањето е сè поважно, особено истегнувањето, кое многу луѓе го занемаруваат. Ова е голема грешка бидејќи флексибилноста е вистински показател за здравјето. Многу едноставна вежба, која подразбира да се наведнете и да се обидете да си ги достигнете прстите на нозете, може да биде првиот сигнал дека нешто можеби не е во ред.

Редовното истегнување може да ви помогне да го подобрите вашето држење, да се ослободите од мускулната напнатост и да го намалите ризикот од повреда.

Одличен показател за флексибилноста е оваа едноставна вежба. Обидете се да се наведнете и да ги допрете прстите на нозете споени една до друга и исправени во колената.

Ако не можете да го направите тоа, крајно време е да работите на вашата флексибилност.

Овој физиотерапевт од Њујорк, открива што вашето тело се обидува да ви каже доколку не можете да ја направите оваа вежба.

Чувствувате грчеви во задниот дел на нозете и листовите

Можеби вашето тело ви вели: Имате слаби потколеници.

– Понекогаш слабоста во телото може погрешно да се протолкува како слаба флексибилност – вели Чен.

Во некои случаи, чувството на стегање или затегнатост во задниот дел на нозете додека се обидувате да ги допрете прстите, всушност може да укажува на слаби потколеници наместо на недостаток на флексибилност.

Чувствувате затегнување во долниот дел на грбот

Можеби вашето тело ви вели: Имате проблем со слаба подвижност и оштетување на нервите.

Вежбите за подвижност, како што е активното истегнување на потколениците, можат да помогнат во ублажување на оваа непријатност.

Сепак, освен на вежбањето, важно е да внимавате и на вашето држење, како и на тоа како седите.

- Бидејќи ишијасот доаѓа од 'рбетниот столб, седењето е многу важно, обидете се да имате потпора на долниот дел од грбот - советува Чен.

Покрај тоа што целото стапало треба да го допира подот доколку седите подолго време, ставете перница на столчето за да дополнителна поддршка, пренесува livestrong.com.

Свет

Пентагон не гледа знаци на присуство на севернокорејски војници во Украина

Американското Министерство за одбрана нема податоци што укажуваат на тоа дека севернокорејски војници се присутни на окупираните украински територии или се упатуваат таму.

Тоа синоќа на брифинг го изјави заменик-портпаролката на Пентагон, Сабрина Синг, јавија украински медиуми.

„Нема знаци дека има севернокорејски војници во Украина“, рече портпаролката одговарајќи на новинарско прашање.

Таа истакна дека Пентагон може да го потврди присуството на севернокорејски војници во руската област Курск, што граничи со Украина. Според неа, не е забележано движење на севернокорејски војници на украинска територија.

Технологија

Маск се залага борбените авиони да се заменат со дронови

„Во ерата на беспилотните летала, борбените авиони се застарени и нивниот единствен резултат е смрт на пилотот“, објави Маск, шеф на вселенската компанија SpaceX и автомобилската индустрија Тесла, на својата платформа Икс.

Милијардерот Илон Маск, кој е назначен од новоизбраниот американски претседател Доналд Трамп да ја води комисијата за намалување на трошоците на федералната влада, изјави синоќа дека борбените авиони треба да се заменат со беспилотни летала бидејќи тие се иднината на судирите во воздух.

„Во ерата на беспилотните летала, борбените авиони се застарени и нивниот единствен резултат е смрт на пилотот“, објави Маск, шеф на вселенската компанија SpaceX и автомобилската индустрија Тесла, на својата платформа Икс.

Зборувајќи за најсовремените борбени авиони на Локхид Мартин, што се сметаат водечки на американските ВВС откако стапија во служба во 2015 година, Маск рече дека „идиоти се уште градат борбени авиони со екипаж како што е Ф-35“. Покрај тоа, тој објави видео од стотици дронови „во формација“ во воздухот.

Стелт авионот од петта генерација, Ф-35 неодамна беше предмет на извозни договори за Романија, Полска, па дури и Германија.

Развојот на тој авион беше бавен поради неговата сложеност, особено компјутерските програми, а неговите оперативни трошоци беа многу високи.

„Дизајнот на F-35 не успеа во однос на поставените предуслови...Ф-35 стана комплексна машина без никаква борбена посебност", наведе Маск.

Фудбал

Белингем прогласен за најдобар играч минатата сезона во Примера

Белингем прогласен за најдобар играч минатата сезона во Примера од страна на Здружението на фудбалери на Шпанија.

Фудбалерот на Реал Мадрид, Џуд Белингем е прогласен за најдобар играч во Ла Лига според Здружението на фудбалери на Шпанија (АФЕ).

Во претходното издание на шпанското фудбалско првенство, англискиот фудбалер одигра 28 натпревари на кои постигна 19 голови и шест асистенции.

За Белингем сезоната 2023/24 беше дебитантска во Ла Лига.

Со Реал, Белингем го освои Шпанското првенство, Лигата на шампионите, Суперкупот на Шпанија, УЕФА Суперкупот.

Пред да направи трансфер во Реал, Белингем играше за Борусија Дортмунд и Бирмингем сити.

притисни ентер