Овој зеленчук влијае на воспалителните процеси во телото.

Крвната слика е показател за нашето здравје, а покачено ниво на холестерол во крвта влијае на целокупно здравје, како и на потенцијалниот ризик од одредени болести. Тоа е поврзано и со ризикот од срцеви заболувања, поради што пациентите кои страдаат од срцеви заболувања мора да ја приспособат исхраната и да внимаваат на одредени намирници за да избегнат потенцијални здравствени ризици. И додека одредени намирници по препорака на лекарот треба да се избегнуваат, други помагаат во намалувањето на лошиот холестерол.

Една студија објавена во списанието „Royal Society od Chemistry, Food and Function“, препорачува да се консумира црвен кромид.

Група кинески истражувачи ги тестирале ефектите на овој моќен зеленчук врз хрчаци за да ги испитаат неговите здравствени придобивки.

Тие дошле до сознание дека нивото на лошиот холестерол се намалило во споредба со другата група животни која не добивала екстракт од кромид. Нивото на холестерол кај хрчаците кои го внесувале екстрактот се намалило за 11,2% до 20,3%, во четвртата и осмата недела.

Иако биле забележани пониски нивоа на холестеролот кај групата хрчаци која добивала екстракт од црвен кромид, потребни се дополнителни студии за да се докаже неговиот ефект кај луѓето, се вели во извештајот.

Многу истражувања покажале дека и дијабетичарите можат да имаат корист од кромидот. Кромидот содржи малку јаглехидрати и е одличен за целокупното здравје на срцето. Внесувањето на овој зеленчук во исхраната исто така може да го подобри варењето. Црвениот кромид, па дури и обичниот кромид, има значајна улога и при потенцијалните бактериски закани бидејќи има антибактериски својства.

Речиси секогаш е неизоставен дел во салатите бидејќи им дава посебен шмек, додека многумина го користат свеж и во сендвичи.

Холестеролот е восочна супстанца која се наоѓа во храната од животинско потекло, како и во нашите клетки. Се собира на ѕидовите на артериите и доведува до нивно стеснување. Тоа значи дека кислородот и крвта не можат слободно да се движат во тесните артерии, што доведува не само до проблеми со срцето, туку и до здравствени проблеми со другите органи. Лошиот холестерол има потенцијал целосно да ги блокира артериите и ако не се контролира може да доведе до срцев удар.

Нивото на холестерол може да се одржува на нормално ниво преку исхраната и здравиот начин на живот. Лекарите често истакнуваат дека консумирањето повеќе зеленчук го намалува лошиот холестерол и со тоа го зачувува здравјето на срцето, пишува „Тајмс оф Индија“.

Извор: srecna.republika.rs