Свет

Мора да видите: Трамп го „растури“ Столтенберг поради Русија!

Столтенберг: Лидерите ќе сакаат да ги слушнат Вашите размислувања пред средбата со Путин...

- Морам да речам дека е многу тажно кога Германија прави масивен договор за снабдување со нафта и гас со Русија, ние би требало да ги браниме од Русија, а Гермнаија плаќа милјарди и милјарди долари годишно на Русија. Ние ги браниме Германија, Франција, и сите овие земји, а потоа одреден број на земји прават договор за гасовод со Русија и ставаат милјарди долари во куферите на Русија. Значи ние би требало да ве штитеме од Русија, а тие плаќаат милјарди на Русија, што мислам дека не е соодветно. Поранешниот германски канцелар е директор на гасоводна компанија која е снабдувач со гас. Наскоро, отприлика 70 проценти од гасот во Германија ќе биде контролиран од Русија. Сега вие кажете ми – Дали е ова соодветно и треба да го одмолчиме, ова е нешто што не смееше да се дозволи. Германија е тотално контролирана од Русија. Бидејќи 60 до 70 проценти од енергијата ја добиваат од Русија и новиот гасовод. И Вие кажете ми дали е тоа соодветно, бидејќи јас мислам дека не е. Тоа е многу лоша работа за НАТО, тоа не требаше да биде случај, мораме да разговараме со Германија. Згора на се, Германија одвојуваме нешто повеќе од 1 процент од БДП, додека САД со актуелните бројки 4.2 %, и тоа со многу поголем БДП, што мислам дека исто така не е соодветно. Ние ги браниме Германија, Франција, ги браниме сите, и плаќаме многу пари за да ги браниме, што се случуваме со декади. Ова било одобрувано од претходните претседатели, кои не помислиле да направат ништо во врска со ова, бидејќи или не разбрале или едноставно не сакале да се вмешуваат, но јас морам да се грижам, бидејќи сметам дека е не фер за мојата земја, не е фер за праќачите на даноци. Овие земји треба да дејствуват, не за период од 10 години, туку мора веднаш да дејствуваат. Германија е богата земја. Тие говорат дека ќе го зголемат процентот малку во 2030, но можат да го зголемат веднаш, истакна американскиот претседател Доналд Трамп на појадокот со генералниот секретар на НАТО Ненс Столтенберг пред Самитото во Брисел.

Свет

Стапи во сила Трговскиот договор меѓу ЕУ и Нов Зеланд

Благодарение на овој договор, се очекува трговијата меѓу ЕУ и Нов Зеланд во рок од една деценија да порасне за 30 отсто.

Индустријата и земјоделците од Европската Унија добиваат мноштвото нови извозни можности со стапувањето во сила на Трговскиот договор меѓу ЕУ и Нов Зеланд, кој се очекува да ги намали годишните извозни давачки на европските компании за околу 140 милиони евра, соопшти Европската комисија.

- Благодарение на овој договор, се очекува трговијата меѓу ЕУ и Нов Зеланд во рок од една деценија да порасне за 30 отсто, при што извозот од Унијата потенцијално би се зголемил на 4,5 милијарди евра годишно. Инвестициите на ЕУ во Нов Зеланд имаат потенцијал да се зголемат и за 80 проценти. Овој историски договор, исто така, вклучува обврски без преседан за одржливост, вклучително и почитување на Парискиот договор за климата и основните работнички права, се додава во соопштението.

Со Договорот се укинуваат царините за клучните извозни земјоделско-прехранбени стоки од ЕУ, вклучително и свинското месо, виното, шампањското, чоколадата и кондиторските производи. Дополнително, со спогодбата се гарантира заштита на близу 2.000 вина и жестоки пијалаци од ЕУ, како и на 163 од европски производи со гарантирано географско потекло, како Фета сирењето, истарската пршута или чоколадните бонбони со марципан од Либек.

Од друга страна се обезбедени царински квоти за увоз на говедско и овчо месо и млечни производи во ЕУ.

Договорот предвидува и полесен пристап на компании од ЕУ до договори за новозеландски државни набавки на стоки, услуги и концесии, како посебна помош за извозот на малите бизниси.

Преговорите за Трговскиот договор меѓу ЕУ и Нов Зеланд започнаа во јуни 2018 година. Договорот беше потпишан на 9 јули минатата година, по што тој беше одобрен од страна на Европскиот парламент и на Советот на ЕУ, на 22, односно 27 ноември. Од друга страна, постапката за ратификација на Договорот во Нов Зеланд заврши на 25 март годинава. /МИА

Македонија

Од утре до понеделник јавниот превоз во Скопје по неделен возен ред

За време на велигденските празници, односно од утре петок - 3 мај до понеделник 6 мај. јавниот превоз ќе функционира по неделен возен ред.

Како што информираат од ЈСП Скопје исклучок ќе бидат линиите 11, 11А, 18А, 32, 47А, 55, 56, 56А, 81, 118, 160 и 164 кои утре ќе сообраќаат по саботен возен ред.

-Утре и во понеделник на 5 мај од 7 до 14 часот дежурни ќе бидат билетарниците на Транспортен центар и таа во Ѓорче Петров. Во сабота сите билетарници и центри за персонализација ќе функционираат вообичаено, а в недела за сите е неработен ден, информираат од ЈСП Скопје.

Жичницата за време на празничните денови нема да работи единствено во понеделник, другите денови ќе работи вообичаено, од 10 до 20 часот.

Од ЈСП Скопје потсетуваат дека за време на викенди и државни празници користењето на линијата 25 (Транспортен центар – Средно Водно) е бесплатно за сите граѓани.

Македонија

Изречени 34 санкции за возење под дејство на алкохол на подрачје на СВР Битола

Полицијата вчера на територија на СВР Битола изрекла вкупно 34 мерки за возење под дејство на алкохол.

Како што соопшти денеска МВР, 15 казни се изречени на подрачје на Битола, 11 на подрачје на Ресен, три во Македонски Брод, по две мерки во Прилеп и Крушево и една мерка на подрачје на Демир Хисар.

Засилените акциски сообраќајни контроли продолжуваат, велат од МВР и апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.