Регион

Милановиќ со убедливо водство во првиот круг од претседателските избори во Хрватска, втор круг

Хрватска оди во вториот круг од претседателските избори, двајцата кандидати, Mилановиќ и Приморац ќе ги измерат силите повторно на 12 јануари, откако на актуелниот шеф на државата му недостигаше еден процент да извојува победа во првиот круг.

Милановиќ на изборите доби убедливо водство од 49,1 отсто од гласовите,далеку пред неговиот противкандидат Драган Приморац од ХДЗ кој доби 19,4 отсто.

Хрватска оди во вториот круг од претседателските избори, a двајцата кандидати, Mилановиќ и Приморац ќе ги измерат силите повторно на 12 јануари, откако на актуелниот шеф на државата му недостигаше еден процент да извојува победа во првиот круг. Милановиќ на изборите доби убедливо водство од 49,1 отсто од гласовите, далеку пред неговиот противкандидат Драган Приморац од ХДЗ кој доби 19,4 отсто. Милановиќ изрази уверување дека победата ќе ја потврди за две недели, а интересно беше тоа што во своето обраќање не кажа ниту збор за неговиот главен ривал, или пак за владејачката партија на премиерот Пленковиќ

„ Верувам дека таа борба ќе биде силна, но и дека на крајот ќе биде успешна и дека за две недели ќе славиме во Творници победа … Во Творница победа... дека за две недели ќе славиме во истата сала во Творница, победа во Творница. Oгромното мнозинство луѓе посакуваат многу малку, кога ќе излезат од дома, ако излезат од дома тој ден да заврши предвидливо и досадно и да знаат дека децата ќе се вратат безбедно од училиште, да знаат дека ќе имаат за што да живеат и човечкото достоинство и на работниците и на пезнионерите – а денеска не е така, да биде почитувано и тие да се третираат како еднакви граѓани.“ -Зоран Милановиќ, Актуелен претседател на Хрватска и кандидат на СДП.

Неговиот против кандидат во вториот круг, Драган Приморац пак, кој ја доби поддршка од конзервативната владејачка партија ХДЗ на премиерот Андреј Пленковиќ истакна дека 12 Јануари ќе биде одлична можност да соочат неговата визија со таа на Милановиќ.

„Никој не знае што Милановиќ и нуди на Хрватска. За мојата програма сите јасно знаете, таа е програма која што нуди се она што и е потребно на Хрватска. Тоа е заедништво, тоа е онаа Хрватска каде ќе се живее подобро, каде ќе се грижиме за младите, каде младите нема да се иселуваат, тоа е Хрватска каде ќе се грижиме за секој пензионер, тоа е Хрватска која е настаната и втемелена со света победничка домашна војна и тоа е Хрватска која што ги штити и брани интересите на бранителите кои ми дадоа голема поддршка и во оваа прилика им заблагодарувам.“ - Драган Приморац, кандидат на ХДЗ.

Приморац инаку, го постигна еден од најлошите резултати на партијата ХДЗ. Многумина сега му префрлаат на премиерот Андреј Пленковиќ дека Драган Приморац бил лоша конкуренција за актуелниот претседател Милановиќ. Во своја изјава по синоќешните претседателски избори во Хрвастка, Пленковиќ истакна дека никој друг од врвот на партијата ХДЗ „не сакаше да ја игра таа игра“.

Македонија

МНР изрази сочувство за жртвите во масакрот во Црна Гора: Нашите мисли се со вас

Министерството за надворешни работи и надворешна трговија упати сочувство по масакрот што се случи вчеравечер во Цетиње, Црна Гора, во кој се убиени 12 лица.

-Длабоко сме шокирани и тажни од трагичните настани во Цетиње, Црна Гора. Солидарни сме со семејствата на жртвите и со народот на Црна Гора во ова тешко време. Нашите мисли се со вас, стои во објавата на МНРНТ на социјалната мрежа Х.

Во Црна Гора, денеска е првиот ден од тридневната жалост по убиството на најмалку 12 лица во Цетиње на првиот ден од 2025 година.

Осомничениот за ова повеќекратно убиство и ранување на најмалку четири лица Ацо Мартиновиќ се самоуби. Тој почина при транспортот кон болница.

Здравствената состојба на тројца ранети во пукањето во Цетиње е стабилна, но нивните животи се уште се во животна опасност, додека четвртиот е во критична состојба, соопштија утрово лекари од Клиничкиот центар на Црна Гора во Подгорица (КЦЦГ), каде што на повредените им е укажана помош.

Македонија

Ѓорѓиевски во увид на градежните активности за нов паркинг кај ООУ „Невена Георгиева Дуња“

Градоначалникот на Општина Кисела Вода, Орце Ѓорѓиевски, денес изврши увид во градежните активности за изградба на нов паркинг во дворот на основното училиште „Невена Георгиева Дуња“. 

Новиот паркинг, кој ќе се простира на површина од 550 квадратни метри, ќе обезбеди околу 50 паркинг позиции, со инвестиција вредна приближно 450.000 денари. Градоначалникот Ѓорѓиевски истакна дека ова е уште еден чекор во континуираното решавање на предизвиците поврзани со урбаното живеење:

-Во изминатите три години изградивме над 1500 паркинг места низ општината, со што значително го олеснивме секојдневието на граѓаните. Со изградбата на овој паркинг, придонесуваме кон подобра функционалност и достапност во непосредна близина на училиштето, кое секојдневно го посетуваат ученици, родители и наставен кадар.-изјави градоначалникот Ѓорѓиевски.

Тој потсети дека, во истиот училишен објект е во тек изградбата на затворен базен, кој треба да биде готов до крајот на мај и дека во насока на заложбата за воведување едносменска настава во сите основни училишта во општината, ова училиште ќе биде проширено.

„Само пред неколку дена заедно со министерот за спорт, Борко Ристовски, направив увид во тековната изградба на затворениот базен во истиот училишен објект. Очекуваме овој значаен проект да биде завршен до крајот на мај. Во контекст на нашата заложба за воведување на едносменска настава во сите основни училишта во општината, со задоволство најавувам дека истото училиште ќе биде и проширено. Веќе имаме подготвена финансиска конструкција за проширувањето, со која општината ќе аплицира на вториот јавен повик од Владата за обезбедување средства за капитални проекти- истакна градоначалникот Ѓорѓиевски.

Во училиштето „Невена Георгиева Дуња“се обезбедени се и интерактивни панели кои ќе користат во наставниот процес. Поставен е и нов видео надзор кој ќе ја зголеми безбедноста на учениците, а набавен е и инвентар за училишната кујна, соопштуваат од Општината.

Македонија

Јанчев: Девојче и момче се првите родени бебиња во Новата година во Кавадарци

Девојче и момче се првите родени бебиња во Новата година во ЈЗУ Општа болница Кавадарци.

Девојче и момче се првите родени бебиња во Новата година во ЈЗУ Општа болница Кавадарци, а денеска градоначалникот Митко Јанчев на нивните мајки Мери Ѓоргиева и Аница Баснаркова им врачи цвеќе и пригодни подароци, кои градот Кавадарци традиционално ги доделува на првородените деца во Новата година.

Оваа традиција има за цел да ја истакне важноста на семејството и да го симболизира среќниот почеток на годината. Новата година нека донесе здравје, среќа и љубов на бебињата, нивните мајки и семејства, објави градоначалникот Митко Јанчев на ФБ.

притисни ентер