Мицотакис им даде коверти на новите министри, имаат 6 месеци за задачите

Грција доби нови министри со рок на траење, членовите на кабинетот на Кирјакос Мицотакис ќе имаат шест месеци да покажат резултати во своите ресори или да си заминат од функцијата. 

На првата владина седница, на секој министер му бил даден коверт со задачи кои мора да ги сработи, со детално објаснети конкретни цели за секое министерство и начинот на кој владата ќе ја оценува нивната работа. Мицотакис на седницата покрај приоритетите, го претстави и новиот модел на управување.

-Победивме во битката со идеи, со нашата програма за подобра Грција. Сега е време да ги обединиме сите Грци во заедничка визија. Од денеска, ние покажуваме во пракса дека сме подготвени. Работата веќе започна. Повикани сме да победиме во тешка и асиметрична војна, која ниту една Влада до сега не успеала – промена на моделот на владеење. Денеска ќе добиете досие со цели и обврски за секое министерство,изјави Кирјакос Мицотакис – Премиер на Грција.

Кабинетот на Кирјакос Мицотакис брои дури 51 член, од кои 21 за прв пат влегуваат во политиката.

Според најавите, на министрите и на замениците, ќе им биде забрането вработување на роднини од прв и втор степен, а забрана за склучување на било каков договор со државата ќе имаат партнерите, како и децата на владините функционери.

На членовите од Владата, ќе им биде забранета и било каква бизнис активност, а генералните секретари во министерствата според најавите, Мицотакис ќе ги намали од 93 на 60. Новиот грчки премиер вчера разговарал и со американскиот претседател Доналд Трамп, како што соопштуваат од неговиот кабинет, Трамп му честитал на Мицотакис за изборот, а станало збор и за приоритетите на новата грчка влада.

„5CAST“: Во „На кавга со Иван / На кавга со Мирчевски “ гостува Ивона Талевска

Вечерва на 5CAST, на YouTube каналот на Канал 5 ТВ Македонија, во емисијата: “На кавга со Иван / На кавга со Мирчевски “ гостува Ивона Талевска.

“Кавгата” ќе ја почнеме од оваа премиса: Зошто според нејзе денес нема слобода на говор а имало во времето на режимот на Груевски?

Па ќе удриме една тура малку и за политичко-општествени моменти особено после минатонеделниот прв круг на избори…особено за профеноменот на Максим и контрафеноменот на Левица.

Заседание на Советот за земјоделство и рибарство на ЕУ во Луксембург

Со Советот за земјоделство и рибарство ќе претседаваат белгискиот вицепремиер и министер за земјоделство Давид Кларинвал, чија земја е актуелен претседавач со ЕУ, и еврокомесарот за земјоделство Јануш Војчеховски. 

Состојбата во европскиот земјоделскиот сектор, влијанието на надворешната трговија врз земјоделството во ЕУ и имплементацијата на Заедничката земјоделска политика ќе бидат главни теми на средбата на министрите задолжени за земјоделство и рибарство на земјите членки на блокот што денеска ќе се одржи во Луксембург.

Со Советот за земјоделство и рибарство ќе претседаваат белгискиот вицепремиер и министер за земјоделство Давид Кларинвал, чија земја е актуелен претседавач со ЕУ, и еврокомесарот за земјоделство Јануш Војчеховски.

За време на работниот ручек предвидено е европските министри да имаат неформална дискусија посветена на стратешкиот дијалог во земјоделскиот сектор на ЕУ.

Дополнително, на Советот за земјоделство и рибарство ќе стане збор за значењето на биоекономијата, како и за Регулативата посветена на контролата на рибарството.

Состојба на патиштата

Сообраќајот на државните патишта се одвива непречено, по суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

притисни ентер