Македонија

Мицкоски очекува сите пратеници да го изгласаат Буџетот, повторно повика на политички консензус

Мицкоски очекува сите пратеници да го изгласаат Буџетот, повторно повика на политички консензус за стратегијата до 2025 година.

Премиерот Христијан Мицкоски очекува сите пратеници да го изгласаат Буџетот за 2025 година. Тој денеска, на седницата за пратенички прашања, најави дека следната недела почнуваат преговорите на Економско-социјалниот совет за платите на здравствените работници со цел постигнување колективен договор.

Одговорајќи на прашања од пратеникот Драган Ковачки, Мицкоски се осврна и на поддршката за општините кои, како што оцени, долго време биле запоставени и заборавени.

Зборуваше и за стратегијата до 2050 година чие изготвување го најави на 23 октомври. Од собраниската говорница повторно повика на консензус од сите политички чинители, повторувајќи дека со овој документ ќе се дефинираат приоритетите за развој на државата: демографските предизвици, економските цели, земјоделскиот, технолошкиот развој, енергетскиот и транспортниот развој.

[Премиерот Христијан Мицкоски денеска одговорајќи на пратеничко прашање во Собранието во врска со назначувањето на Бојан Христовски за директор на Агенцијата за национална безбедност (АНБ), по]

- Вкупно шест милијарди денари оваа година и уште 15 милијарди денари идната година ќе добијат општините за проекти кои ќе се развиваат неколку години. Сите општини, без разлика на политичката припадност на нивното раководство, дадоа проекти и добија средства, со исклучок на една која приложи тековен проект. Се надевам дека и таа ќе ги поднесе потребните документи, истакна Мицкоски.

Тој е оптимист дека сите политички чинители ќе се обединат околу изготвувањето на стратегијата.

- Стратегијата ќе мора да даде одговор на многу прашања кои до денес висат неодговорени. Оптимист сум дека сите ќе се обединиме околу нејзиното изготвување. Документот наиде на оштрица од СДСМ, а очекував да го поддржиме заедно, истакна премиерот.

Во врска со патувањето во САД на кое беше придружуван од повозрасниот син, Мицкоски истакна дека се докажа неоснованоста на обвинувањата дека за оваа намена биле потрошени државни пари.

- Јован тоа го издржа, има 18 години, посебно беше среќен кога дојде одлуката од ДКСК според која нема злоупотреба на буџетски средства. Мене ми олесна повеќе како родител. Тој беше присутен на универзиотет во САД каде можеше да го следи предавањето на татко му, да види и да спореди што има тука, а што таму. Кога дојде одлуката од ДКСК, посреќен не сум го видел. И јас чувствувам големо олеснување. Срамот ќе остане на тие што одлучија да го користат него за да плукаат врз мене. Кукавичлукот е најлоша карактерна особина на секој човек. Честа на Јован е одбранета и тој нема од што да се срами зашто беше во САД, рече Мицкоски.

Фудбал

Златан Ибрахимовиќ доби непријатен подарок во Ријад- сите се смеат, само тој е „кисел“

Годинешниот Суперкуп на Италија се одржува во Саудиска Арабија, а по тој повод во Ријад веќе пристигнаа четири екипи учеснички - Милан, Јувентус, Аталанта и Интер.

Претставниците на клубовите имаа средби и дружење, а таму видовме и една интересна ситуација каде легендарниот Бепе Марота, легендарниот спортски директор, кој своевремено беше најзаслужен за тоа што Ибрахимовиќ дојде во Италија, најпрвин во Јувентус во 2004 година.

Тие и денес остануваат во одлични односи, иако се на спротивни страни. Ибрахимовиќ е директор на Милан, а Марота е во градскиот ривал Интер.

Марота се пошегува во Ријад пред почетокот на Суперкупот, па на Златан му донесе на подарок дрес на Интер, кој Швеѓанецот го носеше неколку години и со кој освои три титули во три сезони.

На лицето на Ибрахимовиќ можеше да се забележи „кисела“ насмевка, додека Марота од срце се смееше на својата шега.

Фотографиите зборуваат повеќе од сите зборови, па уверете се:

Што се однесува до Суперкупот, Интер во вторник ќе игра против Аталанта, а ден подоцна во реванш полуфиналето ќе играат Јувентус и Милан.

Забава

Меган Маркл се врати на Инстаграм, сите коментираат дека се разделиле со Хари (ВИДЕО)

Меган Маркл, војвотката од Сасекс, се врати на Инстаграм по повеќе од шест години пауза.

Таа го избриша својот профил во 2017 година, кога нејзината врска со принцот Хари стана сериозна. Потоа, заедно со Инстаграм, таа го затвори и својот блог The Tig, решавајќи да живее далеку од центарот на вниманието на социјалните мрежи.

Новата година штотуку започна, а веќе е обележана со нови теории на заговор и контроверзи поврзани со Меган Маркл и принцот Хари.

Сега Меган Маркл реши да се врати и го објави своето прво видео. Во клипот, кој наводно го снимил принцот Хари, војвотката трча по песок на плажата во близина на нивниот дом во Монтесито додека пишува „2025“.

Иако многумина ја пофалија Меган за нејзиното оптимистичко враќање, имаше и негативни коментари. Од моментот кога принцот Хари и Меган се откажаа од своите должности во британското кралско семејство и се преселија во Калифорнија во 2020 година, сè што прават стана цел на критики.

На социјалните мрежи се појавија шпекулации дека Меган планира да стане инфлуенсерка и да заработува преку својот профил на Инстаграм, со што поединци ја омаловажуваат. Покрај тоа, нејзиниот изглед стана предмет на потсмев, а овој пат коментарите се фокусираа на - нејзините стапала.

Противниците на Меган не ги штеделе зборовите. На социјалните мрежи кружеа коментари од типот: „Боже мој, виде ли на какви скии стои?!“ или „Меган планира да го започне трендот на хобитски стапала во 2025 година“, сепак - Меган носи големина 39, што е прилично просечна големина.

Интересно е тоа што Меган била свесна за вниманието што го добиваат нејзините стапала во минатото. Откако имала операција, наводно не ѝ се допаѓало да ги истакнува. Еден снимател дури изјавил дека му било наложено да избегнува да ги снима нејзините стапала додека работи со неа.

Кога Меган Маркл го ажурираше својот профил на Инстаграм, вниманието привлече промена во описот на профилот. Отпрвин, нејзиниот профил беше само наречен „Меган“. Набргу потоа, описот беше променет во „Меган, војвотката од Сасекс“, што предизвика шпекулации на социјалните мрежи.

Критичарите забележаа дека зборот „The“ недостасува во нејзината титула, која формално е дел од нејзината официјална кралска титула - „Меган, војвотката од Сасекс“. Врз основа на тој детал, некои тврдат дека тоа би можело да сугерира развод меѓу неа и принцот Хари.

Оваа шпекулација произлегува од кралските правила на титули. Имено, жените кои се дел од кралското семејство го губат правото да го користат зборот „The“ во својата титула по разводот. На пример, Сара Фергусон, поранешна сопруга на принцот Ендру, е позната како „Сара, војвотката од Јорк“, без наставката „The“.

Сепак, таквите теории беа брзо отфрлени, особено што видеото го снимил принцот Хари, јасно покажувајќи ја нивната поврзаност. Хари одговори на гласините со малку хумор, изразувајќи жалење за оние кои сакаат да ги разделат.

Враќањето на Меган Маркл на социјалните мрежи уште еднаш покажа колку нејзиниот и животот на Хари се под постојана јавна лупа. И додека се соочува со негативни коментари и потсмев, Меган не се откажува од обидот да го сподели својот глас и идеи со светот. Враќањето на Инстаграм може да биде почеток на нова фаза од нејзината активност и покрај сите препреки кои ја придружуваат.

Свет

Поплавени делови од Велика Британија, евакуација на домаќинства во Манчестер

Делови од Велика Британија се погодени од поплави, а неколку домаќинства се евакуирани на неколку места во областа на Манчестер.

Откако за два дена падна дожд колку просечни месечни врнежи, во делови од Манчестер автомобили беа поплавени до покривите, а беше прогласена и состојба на природна катастрофа.

Според полицијата, тимови за спасување на планина се распоредени во областа Манчестер за да им помогнат на пожарникарите во спасувачките операции на поплавените имоти и со заглавените возила.

- Се уште постои можност да има дополнителни поплави.Потенцијално очекуваме ситуацијата со поплавите да се влоши пред да се подобри, изјави метеорологот Том Морган.

Поради поплави и налетите на ветерот, беа откажани новогодишните прослави на отворено, како и огнометите во Единбург и во неколку други градови.

притисни ентер