Македонија

Мицкоски до Филипче: Да одиме на предвремени парламентарни избори со локалните

Да одиме на предвремени парламентарни избори заедно со локалните следната есен- ваква понуда му даде премиерот Мицкоски на лидерот на СДСМ Филипче на нивното прво собраниско соочување на седница за пратенички прашања.

Ова доаѓа по обвинувањата на претседателот на опозициската партија кој рече дека актуелната власт ги излажала гласачите пред избори дека нема да ја користат придавката „северна“, а сега со гордост зборувале за преспанскиот договор. Филипче и лично го праша Мицкоски кој е планот за евроинтеграциите на Македонија, за што тој му одговори дека сега Владата ги поправала грешките направени во изминатите седум години.

-Оваа дволичност и врвно политичко лицемерие треба да се изучува во книгите за манипулација со граѓаните. Велевте дека ќе го вратите мандатот ако некогаш кажете Северна. Па ајде премиере, еве сега е шанса во Собранието да го вратите мандатот. Наместо тоа, вие и вашите министри на мала врата почнавте да го користите уставното име, а некои богами и гордост го изговараат. Со ова покажавте дека вашата политика нема никаков ’рбет.- Венко Филипче – претседател на СДСМ.

-Ако сакате да одиме на избори, да се провериме. Заедно со локалните (избори), може да одиме. Ако сакате, одма сега да ја договориме работата. Но да не се удавите во длабокото, каде што ве носат... -Христијан Мицкоски – претседател на Влада.

Се отвори и темата за сертификатите и работното искуство на директорот на АНБ Бојан Христовски – додека опозицискиот лидер тврди дека тој е човек од партија и има само 5 години работен стаж во безбедносните служби, премиерот уверува дека новиот директор ги исполнува условите со девет години искуство и овој сектор не треба да се политизира. Мицкоски и Филипче си поделија и документи како докази за нивните аргументи.

-Ова се документи доставени од нас од свиркачи. Изводи од Агенцијата за вработување и Фондот за здравствено осигурување. Со малку математика може да се оспори и главниот услов за негово назначување а тоа е 5 години стаж на раководни позиции. Дали премиере конечно ќе го разрешите Христовски од директорската позиција во АНБ? Венко Филипче – претседател на СДСМ.

-Јас ќе ви покажам сличен сертификат од личност која седи до вас. Знаете колку има вакви сертификати, сакате да ги видите сертификатите за директорите кои што ги назначи СДСМ? Еве нема да ги вадам еден по еден, сакате да ги вадам еден по еден? Еве нема да ги вадам.. Овие ќе ги сочувам за мене и ќе му ги дадам на министерот за внатрешни работи. Тука е еве поранешниот министер за внатрешни работи, до него често допираше гласот. Но, за жал, немаше резултати кога стануваше збор за опозицијата. Но, затоа се дигаа дронови над мојата куќа, - Христијан Мицкоски – претседател на Влада.

На седницата се дебатираше и за договорот со Бехтел и Енка за што премиерот кажа дека бараат начин да го декласифицираат целосно за јавноста да има увид што договорила претходната влада, а не изостанаа ниту дневните меѓупартиски обвинувања. Ова се први пратенички прашања откако е формирана новата влада.. Со новиот деловник освен редовното одржување еднаш месечно, опозиционерите ќе имаат можност да поставуваат прашања до премиерот и министрите и на друга седница во текот на месецот во времетраење од два часа на самиот почеток.

Живот

Скандал на свадба: Невеста избега од олтарот, откако ѝ шепнаа нешто (ВИДЕО)

Свадбите секогаш будат силни емоции, а кај невестата и младоженецот тоа особено се истакнува кога ќе дојдат на свадбениот олтар.

Често се случува да се запрашаат дали донеле правилна одлука, објави Курир.

Меѓутоа, една невеста не се сомневала и побегнала непосредно пред да го каже судбоносното да на својот избраник. Овој момент го уловија и камерите, а сѐ заврши на интернет.

@fashionpulis Video courtesy of @Sam YG #biggestweddingoftheyear #FashionPULIS #blinditem #labubu #dimond #diamonds #billionaire #traveltiktok #philippinestiktok #tiktokphilippines🇵🇭 #kimsdiary #ifern #richardmille #rolex #audemarspiguet ♬ original sound - Fashion PULIS

Сè изгледа идилично, младоженецот и невестата застанаа еден до друг, се гледаа заљубено и беа подготвени да ги кажат своите завети. Меѓутоа, во еден момент на невестата ѝ пришла девојка, веројатно нејзината кума и нешто ѝ шепнала. Следуваше драма. Невестата бесно истрчала од салата и никој не можел да ја стигне.

Таа само го погледна младоженецот, му го даде бидермаерот и исчезна во солзи.

Судејќи по коментарите под видеото, станува збор за наводна реклама, некои велат дека сѐ е инсценирано, а има и такви кои напишале дека биле во слична ситуација или дека виделе како невестата или младоженецот се предомислиле на последен момент.

Свет

Претседателот на Кина повторно предупредува: Никој не може да го запре обединувањето со Тајван

На последниот ден од 2024 година, кинескиот претседател Си Џинпинг уште еднаш предупреди дека „никој не може да го спречи повторното обединување на Кина со Тајван“.

Во својот новогодишен говор, Си Џинпинг испрати јасна порака до сите кои се борат за независност на Тајван на и надвор од островот со 23 милиони жители, кој официјален Пекинг го смета за дел од својата територија, објави Ројтерс.

Во текот на изминатата година, Пекинг го засили воениот притисок во близина на Тајван, испраќајќи воени бродови и авиони во водите и воздушниот простор околу островот речиси секојдневно, во она што тајванските власти го гледаат како постепен обид за „нормализирање“ на военото присуство на Кина.

Кина го смета Тајван, каде владее западна форма на демократија, за своја територија. Сепак, тајванската влада ги отфрла тврдењата на Пекинг и посочува дека само народот на Тајван може да одлучи за нивната иднина и дека Пекинг мора да го почитува нивниот избор.

„Луѓето од двете страни на Тајванскиот теснец се едно семејство. Никој не може да ги раскине нашите семејни врски и никој не може да го запре историскиот тренд на национално обединување“, рече Си Џинпинг во говорот што го емитуваше кинеската државна телевизија CCTV.

Во минатогодишниот новогодишен говор, кинескиот претседател изјави дека „повторното обединување“ на Кина со Тајван е неизбежно и дека луѓето од двете страни треба да бидат обединети со заедничка цел и да ја споделат славата на обновувањето на кинеската нација.

Тензиите во регионот се зголемија откако Лаи Чинг-те, кого Пекинг го смета за сепаратист, стана нов претседател на Тајван во мај.

На почетокот на овој месец, Кина воведе поморска блокада на Тајван, откако Лаи застана на Хаваите и американската островска територија Гуам за време на турнејата во Пацификот што Пекинг силно ја критикуваше.

Кина, која никогаш не ја отфрли можноста за употреба на сила за да го стави Тајван под своја контрола, одржа две рунди воени вежби околу островот оваа година, велејќи дека тие се предупредување против „сепаратистичките потези“ и вети дека ќе преземе дополнителни чекори доколку е потребно.

Шоу биз

Се ожени братот на Анџелина Џоли, актерката не дојде на свадбата (ВИДЕО)

Братот на Анџелина Џоли, Џејмс Хевен, во тајност се ожени со Роми Ибели, ѕвезда на американското реално шоу The Real L Word.

Роми ја откри веста објавувајќи фотографии и видеа од венчавката која се одржала на 12 август во Калифорнија.

„Во 2024 година се омажив за мојот најдобар пријател, со кого сум 23 години. Деталите за нашата приказна се премногу лични и комплицирани за да ги споделам сега, но сите ги пишувам во мојата книга. Денот на нашата венчавка беше интимен, само ние и нашите родители додека си разменивме завети, планираме поголема прослава подоцна“, напиша таа.

Потоа открила дека ден по венчавката се степале и по пет месеци плачење, помирување и размислување решиле да си ги решат проблемите.

„Се чувствувам подготвена да се вратам кај мојот сопруг и нашиот дом во Лос Анџелес. Сè што се случи во последните неколку месеци беше дел од поголем план. Секогаш ќе ја чувам 2024 година длабоко во моето срце. Животот е премногу краток. Живејте го “, напиша таа.

Се сети на нејзиниот покоен татко. "Верувам дека нѐ гледа од небото и ни се смешка. Џејми ме запроси на гробот на татко ми", додала таа.

Анџелина Џоли не беше присутна на свадбата на нејзиниот брат.

Иако порано привлекуваа големо внимание, особено поради нивниот бакнеж на Оскарите во 2000 година, Џејмс и Анџелина веќе не се толку блиски.

"Анџелина и Џејмс целосно се оддалечија. Тие беа неразделни и најдобри пријатели. Тој ѝ помагаше да ги воспитува децата и секогаш посветуваше многу време на семејството. Одеднаш, без посебна причина, престанаа да зборуваат и се оддалечија. Само тие знаат што навистина се случи“, изјави претходно извор близок до Анџелина.

Анџелина го донесе својот брат на Оскарите. Најголем шок доживеа на забавата на Vanity Fair која се одржа по доделувањето, каде Анџелина страсно го бакнуваше својот брат во уста, што камерите го уловија и го снимија за сите времиња. Но, тоа не беше прв пат да бидат снимени како разменуваат нежности на јавен настан, бидејќи слично се забавуваа на доделувањето на наградите Златен глобус претходно истата година.

"Тоа не беше француски бакнеж. Тоа беше нешто едноставно и убаво. Енџи требаше да замине во Мексико за да го заврши снимањето на Оригиналниот грев со Антонио Бандерас. Ѝ честитав на нејзиниот Оскар и ѝ дадов брз бакнеж во уста и од тоа стана голема работа“, изјави Џејмс за Daily Mail во 2007 година.

притисни ентер