Причината не е само поразот на репрезентацијата на Белгија од Франција со резултатот 0-1, туку и облогот кој го изгуби претпријатието за јавен сообраќај во Брисел од своите колеги во Париз.
Двете компании пред натпреварот се обложиле преку социјалните мрежи – доколку победи Белгија, Франција ќе ги промени ознаките на станицата „Сен Лазар“ во „Сен Азар“ во чест на капитенот на белгискиот тим Еден Азар.
Меѓутоа, после синоќешниот натпревар во Санкт Петербург, Брисел морал да ги “почести“ патниците во метрото со емитувањето на навивачката песна “Сите заедно“ на покојниот француски рокер Џони Холидеј во 8 и 10 часот.
Оваа песна е усвоена како француската фудбалска химна во текот на Светското првенство во Русија.
Белгија му оддаде почест на Холидеј кога умре минатата година со емитување на неговите најголеми хитови преку звучниците на Големиот плоштад во центарот на Брисел. Неговиот татко бил Белгиец.