Металург ја имаше контролата на играта и на резултатот од самиот почеток и не му дозволи на противникот да го загрози водството иако во еден период од второто полувреме играше и со тројца ракометари помалку.
Предводници во победата на нашата екипа беа Наумче Мојсовски со девет голови и Младен Ракчевиќ со седум реализации. Дарко Станиќ забележа 10 одбрани, додека Никола Митрески имаше четири успешни интервенции (еден седмерец).
Реваншот ќе се одигра на 23 март во Скопје во веќе распродадениот „СЦ Борис Трајковски“.
Покрај овој натпревар денеска се одигра и дуелот Чеховски Медведи – Кил 37:35.
Другите осминафинални двојки од осминафиналната фаза од Лигата на шампионите се: Цеље – Хамбург (сабота), Силкеборг – Барселона, Адемар – Веспрем, ПИК Сегед – Киелце (судии Славе Николов и Ѓорѓи Начевски од Македонија), Атлетико Мадрид – Берлин и Горење – Флензбург (недела).