Меси ја спаси Барселона од пораз

Со голот постигнат од слободен удар во 90.минута од натпреварот со Виљареал, Лионел Меси обезбеди бод за Барселона која синоќа успеа да го избегне третиот пораз оваа сезона во Примера.

Резултати на натпреварите од 17.коло:

Еспањол – ДепортивоЛа Коруња1:1,
Реал Мадрид – Гранада 5:0,
Еибар – Атлетико Мадрид 0:2,
Лас Палмас – Спортинг Хихон 1:0,
Сосиедад – Севиља 0:4,
Атлетик Билбао – Алавес 0:0,
Бетис – Легањес 2:0,
Селта – Малага 3:1 и
Виљареал – Барселона 1:1.

Колото ќе биде заокружено вечер со средбата Осасуна – Валенсија (почеток 20:45 часот).

Табела: Реал Мадрид 40 бода (натпревар помалку), Севиља 36, Барселона 35, Атлетико Мадрид 31, Виљареал 30, Сосиедад 29,.../МИА

„Гугл“ ќе вложи една милијарда евра во проширување на центарот за податоци во Финска

„Алфабет“, матичната компанија на американската технолошка корпорација „Гугл“, денеска најави дека ќе вложи една милијарда евра во проширувањето на главниот центар за податоци во Финска.

Главната причина за проширувањето е лесниот пристап до зелената енергија на локацијата Хамина, јужна Финска. Претходно „Гугл“ се обврза дека до крајот на деценијата сите канцеларии и центри за податоци ќе се напојуваат од обновливи извори на енергија.

„Гугл“ исто така планира да работи со локална комунална компанија и вишокот топлина од центарот за податоци да го пренасочи во системот за загревање на домаќинствата во Финска.

Израелските лидери ја осудија одлуката на Меѓународниот кривичен суд за апсење на Нетанјаху

Израелските лидери ја осудија одлуката на Меѓународниот кривичен суд (МКС) да бара налог за апсење на премиерот Бенјамин Нетанјаху и министерот за одбрана Јоав Галант.

Израелскиот министер за финансии Безалел Смотич рече дека сите Израелци треба да се чувствуваат како да е распишана потерница против нив и ги повика пријателските земји да преземат акција за распуштање на МКС.

Одлуката на МКС ја нарече „приказ на лицемерие и омраза кон Евреите“ што, како што тврди, наликува на нацистичка пропаганда.

Лидерот на опозицијата Жаир Лапид изјавата на МКС ја окарактеризира како „катастрофа“ и рече дека се надева оти Конгресот на САД ќе интервенира во ова прашање.

Министерот Бени Ганц ја осуди одлуката на МКС, нарекувајќи ја „злосторство од историски размери“, пренесува Ројтерс.

„Споредувањето на решеноста на лидерите на една демократска држава да се бранат од теророт на крволочната терористичка организација (Хамас) е длабоко кршење на правдата и очигледен морален банкрот“, рече Ганц.

Претходно денеска МКС побара потерница за Бенјамин Нетанјаху и Јоав Галант за наводни воени злосторства, како и за апсење на лидерот на Хамас.

Главниот обвинител на МКС, Карим Кан, рече дека Нетанјаху и Галант се обвинети за „поттикнување истребување, поттикнување гладување како метод на војна, вклучително и негирање на хуманитарна помош и намерно таргетирање на цивили во конфликтот“.

Лидерите на Хамас, Јахја Синвар, Мохамед Деиф и Исмаил Ханије се обвинети за истребување, убиства, земање заложници, силување и сексуален напад.

THISAM 2024 – Меѓународна академија за новинари ќе се одржи во Солун од 5-12 јули

Високата школа за новинарство и масовни комуникации при Универзитетот Аристотел во Солун (АУТ), во соработка со Катедрата за европска јавна дипломатија Жан Моне и ценети партнери, ја организираат годишната меѓународна летна академија за медиуми.

Овој настан обединува динамична група новинари со почетничка кариера, студенти, медиумски претприемачи, научници и лидери од невладини организации и медиумската индустрија.

THISAM 2024 ќе се одржи од 5-ти до 12-ти јули во Солун, Грција. Темата за оваа година, „Откривање на утрешните медиуми: предизвици и алатки во комуникацијата“, има за цел да ја истражи иднината на медиумите и комуникацијата, да одговори на тековните предизвици и да ги испита иновативните алатки.

Овој интензивен мултидисциплинарен курс за обука е дизајниран да понуди длабинско знаење и силни вештини за клучните теми и напредок во медиумите и комуникацијата.

Краен рок за пријавување: 31.05.2024

Исто така, од Грчката амбасада информираат дека конференцијата „Глобални медиуми и култура“ ќе се одржи во Солун од 3-4 јули, во организација на THISAM (Мировна новинарска лабораторија, Факултет за новинарство и масовни комуникации, Аристотел универзитет во Солун, Грција). Институт за култура на конвергенција (Универзитет Халим, Кореја), Соработка на знаење за добро владеење (Сеул, Кореја) и Глобални медиуми и Кина (Сејџ).

Темата на конференцијата е „Струите на глобалните медиуми и култура“.

За повеќе информации посетете ја: https://joursummerschool.org/index.php/thessaloniki-conference/thessaloniki-conference-2024

притисни ентер