Свет

Менаџерка на Луфтханза е брутално убиена пред 3- годишниот син- сопругот ја избодел во ходникот

Менаџерката на „Луфтханза“, Стефани В. (38) била брутално убиена пред очите на нејзиното дете (3), а за убиството е осомничен нејзиниот сопруг Дерек В.

Бруталното злосторство се случило во станбена зграда во Хамбург во четвртокот вечерта, а според известувањето, Дерек ја избодел сопругата во ходникот на зградата.

Оние кои ја познавале брачната двојка велат дека „однадвор“ сѐ изгледало идеално. Пријателите и роднините велат дека парот добро се сложувал и биле прекрасни родители на нивниот тригодишен син. Сепак, нешто тргнало наопаку во четвртокот навечер.

Околу 20 часот и 30 минути Стефани и Дерек се скарале во нивниот луксузен стан. Стефани во еден момент го напуштила станот, а нејзиниот сопруг тргнал по неа. Таму во ходникот од зградата три пати ја избодел со нож. Таа успеала да стигне до лифтот и таму се струполила.

„Соседите слушнале врисоци, ја нашле жртвата во зградата и повикале брза помош. Осомничениот со детето побегнал од местото на злосторството“, соопшти полицијата.

Несреќната Стефани истрчала кон лифтот, а според Билд, тригодишното момче до последен момент ја гледало мајка му како се бори за живот. Медиумите пишуваат дека Дерек го зел детето по злосторството и побегнал во станот на мајка си во друг дел од градот. Наводно мајката повикала полиција околу 22 часот.

Кога пристигнала патролата, Дерек излегувал од станот. Веднаш бил уапсен, а според информациите не дал отпор. Момчето итно било пренесено во болница, при што било констатирано дека не се здобило со никакви физички повреди.

Истрагата на местото на убиството траела до раните утрински часови, а на полицијата се уште не ѝ е јасно зошто Дерек ја избодел сопругата.

Како што пишува Билд, оние кои ја познавале двојката тврдат дека не слушнале ништо лошо за нив, ниту дека се зборувало за нивно несогласување или развод.

"Нашите семејства редовно се собираа. Неодамна бевме сите заедно со децата, среќни, одлично си поминавме. Во шок сум", рекол пријател на семејството.

Осомничениот е германско-американски државјанин. Според медиумите, тој претходно живеел со своите родители во Кина, Јужна Африка и бројни европски земји. До неодамна бил директор во голема софтверска компанија.

Се вели дека Стефани била успешна жена, на менаџерска позиција во Луфтханза.

Шоу биз

Деми Мур ја игнорираше Кајли Џенер на Златните глобуси, видеото е вирално

Кајли Џенер (27) се нашла во непријатна ситуација на доделувањето на Златните глобуси во неделата вечерта, кога добитничката на наградата Деми Мур едноставно ја игнорирала. 

Кајли на доделувањето на престижните награди пристигна во придружба на нејзиното момче, 29-годишниот актер Тимоти Шаламе и му се придружи на маса со неговите колеги.

Деми ја игнорираше

Иако Кајли немаше проблем да се дружи со филмските ѕвезди Ел Фенинг и Моника Барбаро, ситуацијата со Деми Мур беше многу поинаква. Деми таа вечер прослави голем успех освојувајќи го Златниот глобус за најдобра актерка во филмот „The Substance“. По победата се приближила до масата на која седела Кајли, но целосно ја игнорирала.

@tchallover Kylie getting ignored at the golden globes this year by Demi Moore 🥸 #kyliejenner #timotheechalamet #demimoore90s #goldenglobes #fyyyyyyy ♬ originalljud - timothées real wife

На видеото, Деми се гледа како возбудена разговара со Ел за нејзината победа, додека Кајли се обидува да се вклучи во разговорот. Свртувајќи се на столот, Кајли извикала: „Честитки! Кон Деми, која кратко одговорила: „Благодарам“, пред да продолжи да разговара со Ел. Ситуацијата стана уште понепријатна кога Деми ја прескокна Кајли и директно му се обрати на Тимоти, честитајќи му за неговите проекти.

Хит на социјалните мрежи

Овој непријатен момент брзо стана хит на социјалните мрежи, а корисниците на „TikTok“ не се штедат во коментарите: „Игнорирањето на Кајли ме тера да сакам да ги гледам Златните глобуси“, „Дали ова беше јавно отфрлање на Кајли? Хахаха“, „Сите се обидуваат да избегнат разговорот со Кајли, толку ми е срам за неа“, „Начинот на кој Деми ја игнорираше... Да беше некој друг, ќе беше полошо“, се само дел од коментарите.

Непријатниот момент доаѓа откако Кајли во октомври се појави на Инстаграм во црни бикини со украси, рекреирајќи го иконскиот стриптиз изглед на Деми Мур. Кајли, како и Деми, имаше права кафена коса и бела кошула.

Извор: Индекс.хр

Формула

Леклер очекува хармонично партнерство со Хамилтон

Возачот на Ферари, Шарл Леклер го доби својот трет тимски колега откако има се приклучи на „црните коњи“ на почетокот на 2019 година во лицето на Луис Хамилтон. 

Британецот сега и официјално е дел од тимот на „Скудерија“, а многумина веруваат дека италијанскиот тим моментално ја има најдобрата возачка постава во Формула 1.

Надежите на Ферари на тој начин ќе бидат дека тимот ќе се врати на освојувањето на светските титули, што не се случило од 2008 година. За таа цел, сепак, Леклер и Хамилтон ќе треба да склопат хармонично партнерство, а очекувањата на пилотот од Монте Карло се тоа да се случи.

-Не очекувам да биде поинаку од она што го имав досега. Мојот однос со Луис е добар. Но, нашиот однос е поинаков бидејќи сè уште не сум поминал толку време со него, но имам голема почит кон него и неговите достигнувања. Ние сме во добри односи. Имаме разлика во години, но надвор од патеката делиме многу интереси. Затоа, не очекувам да биде нешто поразлично од она што го имав досега во Ферари, сподели Леклер./МИА

Фудбал

Маркињос стана играчот со најмногу трофеи во историјата на францускиот фудбал

Со освоената титула во францускиот Суперкуп вчера, капитенот на Пари Сен Жермен, Маркињос стана рекордер на клубот по освоени трофеи. Уште повеќе, Бразилецот веќе е играчот со најмногу одличја во историјата на францускиот фудбал.

Маркињос има импресивен 31 трофеј зад своето име - девет титули во Лига 1, седум Купови на Франција, шест Лига купови и девет домашни Суперкупа. Со трофејот освоен вчера против Монако (1:0), централниот дефанзивец го престигна својот до неодамна соиграч, Марко Верати кој има 30 трофеи.

Маркињос (30) ги има сите шанси да го зголеми бројот на трофеи во својата витрина, бидејќи ПСЖ води на табелата и е во конкуренција за Купот на Франција.

По Бразилецот и Верати, Тиаго Силва и Преснел Кимпембе со по 23 трофеи, како и Единсон Кавани, кој има 21, се меѓу првите топ 5 освојувачи на почести во дресот на „принцовите“. /МИА

притисни ентер