Македонија

Малолетник на 14 години и мажи на 71 и 66 години се жртвите во трагедијата во Црвени брегови

Македонија вчера ја потресе веста за три починати лица, пронајдени во неготинското село Црвени брегови, од кои едно дете.

Трагедија го потресе неготинското село Црвени Брегови, каде беа пронајдени беживотни тела на еден малолетник и на две лица на возраст од 71 и 66 години. Телата биле пронајдени вчера попладнето во мала куќа во селото која се користела како импровизиран верски објект. Од ОЈО Кавадарци соопштија дека при првичниот преглед на лицата не се констатирани траги на насилство, а оттаму издадена е и наредба за испитување на исправноста на плинскиот уред на кој се грееле во објектот ..Од СРВ Велес информираат дека телата на починатите се дадени на обдукција.

„На 08.12.2024 година во 16:35 часот во ОВР Неготино било пријавено дека во куќа во с.Црвени Брегови Неготинско биле пронајдени починати Ј.Ј (71) од Битола, Ф.Е (66) од Ресен и малолетник од с.Црвени Брегови. Лекар од Итна медицинска помош Неготино констатирал смрт. По наредба на Јавен обвинител телата на починатите се дадени на обдукција. “

Според директорот на Клиниката за токсикологија Андон Чибишев ретко се случува трагедија со смртни последици да настане од плин. Можно сценарио, според него, е труење заради зголемена концентрација на јаглероден моноксид во воздухот, предизвикано од некаков извор во просторијата кој го трошел кислородот..Сепак тој вели она што со сигурност ќе покаже што се случило е обдукцијата.

„Сега се што зборуваме може да се протолкува како шпекулација, додека не заврши истрагата, обдукцијата со која што ќе се утврди точната причина, меѓутоа повеќе стои можноста дека е труење со јаглероден моноксид.. Плинот многу ретко може ваква трагедија да предизвика. Можно е да имало некој извор при кој што горел плин кој што го трошел кислородот во просторијата каде што престојувале за жал тројцата настрадани. Најчесто ваква смрт настапува заради зголемена концентрација на јаглероден моноксид кој е гас без мирис и кој што убива без предупредување.. “

Од СВР Велес соопштија и дека увид на лице место извршиле екипи од ОЈО Кавадарци и од неготинската полиција и дека истрагата за целосно расчистување на случајот, односно дали станува збор за задушување или други околности кој довеле до трагедијата е во тек.

Фудбал

Наполи му понуди на Кварацхелија договор со плата од шест милиони евра годишно

Познати се условите кои Наполи му ги нуди на Хвича Кварацхелија за потпишување нов договор.

Претходно беше објавено дека италијанскиот клуб продолжил да работи на продолжување на договорот со играчот, кој ќе биде со важност до 2029 година.

Според италијанските медиуми, Наполитанците му понудиле на Кварацхелија договор со плата од шест милиони евра годишно. Страните продолжуваат да разговараат за висината на обештетувањето, клубот инсистира на сума од 100 милиони евра.

Грузиецот игра за Наполи од јули 2022 година, неговиот договор со клубот е до јуни 2027 година.

Во тековната сезона 23-годишниот Кварацхелија на 18 натпревари во сите натпреварувања постигна пет гола и три асистенции.

Свет

Лавров: Русија бара траен мировен договор што ќе ја гарантира нејзината безбедност

- Примирјето е пат за никаде, оцени Лавров, додавајќи дека Москва верува дека Западот би го искористил за повторно вооружување на Украина.

Русија нема интерес за привремено примирје што ќе ја замрзне војната во Украина, туку инсистира на правно обврзувачки мировен договор што ќе ја гарантира нејзината безбедност и безбедноста на нејзините соседи, изјави рускиот министер за надворешни работи Сергеј Лавров.

- Примирјето е пат за никаде, оцени Лавров, додавајќи дека Москва верува дека Западот би го искористил за повторно вооружување на Украина.

Тој додаде дека Москва сака правните документи да бидат составени на таков начин што ќе се обезбеди „неможноста да се прекршат овие договори.

Лавров рече дека новиот сириски лидер ги нарекол односите со Русија „долготрајни“ и „стратешки“ и дека Москва ја споделува таа оценка.

Во понеделникот советникот за надворешна политика на Кремљ, Јуриј Ушаков, изјави дека Русија одржува контакти со новата влада во Сирија, и на дипломатско и на воено ниво.

Лавров, исто така, рече дека Украина повеќепати напаѓала цивилни цели во Русија користејќи западни ракети и беспилотни летала. Москва ќе одговори на овие акции, најави рускиот министер за надворешни работи.

Според него, Русија напаѓа само воени објекти и инфраструктура и „не е во нашите норми да напаѓаме цивилни цели“.

Според Канцеларијата на Високиот комесаријат за човекови права, oд почетокот на целосната инвазија на Руската Федерација на Украина во февруари 2022 година до октомври годинава биле убиени 11.973 цивили, вклучувајќи 622 деца.

Македонија

Поради снежни наноси непрооден патот од Крива Паланка кон ГП „Голема Црцорија – Голеш“

Поради снежни наноси непрооден патот од Крива Паланка кон ГП „Голема Црцорија – Голеш“

Поради снежни наноси и навеви од снег непрооден е патот од Крива Паланка кон граничниот премин „Голема Црцорија – Голеш“, на околу 600 метри пред граничниот премин, поконкретно од гробиштата во село Голема Црцорија, соопшти АМСМ.

притисни ентер