Луксузните вили биле изградени од најозлогласениот клан во Рим. Градоначалничката Вирџинија Раџи изјави дека вилите во сопственост на кланот Казамоника ќе бидат урнати до крајот на годината.
,,Денеска е историски ден за Рим и Римјаните. Прекинуваме со повеќегодишната незаконска градба и праќаме силна порака до кланот Казамоника.“ , изјави градоначалничката.
Казамоника со години работела во тајност , а го привлече вниманието на јавноста на раскошниот погреб на еден свој кум во 2015. Врз присутните на погребот од хеликоптер биле фрлани ливчиња од рози , а на оградата на базиликата биле закачени плакати на кои пишувало: ,, Го освои Рим , сега освој го и рајот.”
Во мај се уапсени 33 членови на тој клан во луксузни недвижности полни со позлатени огледала, мермерни статуи и екстравагантен раскошен мебел.
Според градоначалничката , некои од вилите биле изградени на заштитени подрачја , па дури и врз археолошки локалитети.