Македонија

Локвенец: ВМРО-ДПМНЕ очигледно е против нашето зачленување во НАТО

ВМРО-ДПМНЕ продолжува со деструктивните политики кои директно наштетуваат на државата и на интересите на граѓаните на Република Македонија.

Додека во Шпанија во тек е последната ратификација на Протоколот за нашето зачленување во НАТО, ВМРО-ДПМНЕ со одбивањето да гласа за Законот за одбрана го загрозува тој процес.

Република Македонија е на чекор да стане 30. земја членка на НАТО и со тоа да ја осигура својата стабилност, безбедност, економски развој и сигурна и просперитетна иднина.

ВМРО-ДПМНЕ очигледно е против нашето зачленување во НАТО.

Свесното блокирање на Законот за одбрана може да испровоцира ново вето од Грција и со тоа да ја врати државата со децении назад.

Мицковски и неговите пратеници го кршат Уставот и го кочат остварувањето на повеќедецениската стратешка цел – членство на Република Македонија во НАТО.

Законот за одбрана е клучен за нашето членство во Алијансата. Овој закон обезбедува воведување на НАТО стандарди во македонската армија, обезбедува колективен систем на одбрана и затоа тој е клучен за нашето зачленување во НАТО.

Затоа, ги повикувам пратениците од ВМРО-ДПМНЕ да престанат со ситно политиканство и да го поддржат Законот за одбрана, кој е важен за нашето зачленување во НАТО, но е уште поважен за припадниците на нашата армија.

Деструктивното однесување на ВМРО-ДПМНЕ е одамна прочитано од граѓаните.

Зачленувањето во НАТО и во Европската унија се наша стратешка цел повеќе од 25 години. Граѓаните се определија и ги поддржаа овие политики, наспроти политиките на корупција и заштитата на криминалот кои ги промовираат Мицковски и ВМРО-ДПМНЕ.

Тоа ќе се потврди на 12 април, кога Мицковски и ВМРО-ДПМНЕ ќе доживеат уште еден пораз.

Граѓаните повторно ќе се определат за стабилна, просперитетна и успешна Република Македонија.

Нашата татковина ќе продолжи напред, нема да дозволиме напредокот да биде блокиран или закочен. Казната за однесувањето на ВМРО-ДПМНЕ, раководена од Будимпешта, доаѓа на 12 април.

Хари Локвенец, пратеник од СДСМ

Македонија

Битиќи од Шуто Оризари: Заокружете го бројот 1, тој ќе не обедини во европската идеја

„На 8-ми мај да излеземе на гласачките места и да го заокружиме бројот 1, затоа што тоа е бројот кој ги обединува сите различности во европската идеја.“

„Само така може да напредуваме, со прифаќање на нашите различности како дел од нас, од Македонија“, им порача на жителите на скопската општина Шуто Оризари Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборната единица 2.

Тој истакна дека сплотеноста во европската идеја се протега многу подалеку од партиските и етничките разлики.

„Не постојат граници за мисијата за обединување на различностите и зачекорување кон европското семејство. Ние одбиваме да бидеме поделени. Во Коалицијата за европска иднина има место за сите, ги прифаќаме разликите како важен дел од нас, нашата идеологија е социјалдемократијата - единство во различностите и солидарност со сите“, порача Битиќи.

Битиќи порача дека СДСМ верува во потенцијалот на секој граѓанин, во неговата способност на 8-ми мај да донесе разумна одлука за иднината на државата.

„Ве повикуваме во среда, на гласачките места, да ни се придружите во нашата мисија и заедно да градиме општество во кое достоинството нема да биде луксуз, туку право на секого“, порача Битиќи, се наведува во партиското соопштение.

Свет

Пеколната горештина во Камбоџа е причина за експлозија, во која загинаа 20 војници (ВИДЕО)

Властите во Камбоџа соопштија дека пеколните горештини што ја зафатија Југоисточна Азија се причина за експлозијата во складиште за муниција во која загинаа 20 војници.

Како што јави Би-би-си, трагедијата во провинцијата Кампонг Спеу се случила минатата сабота.

Властите ги отфрлија наводите дека нападот на бунтовниците бил причина за експлозијата, велејќи дека станува збор за комбинација од неисправна муниција и екстремна топлина. Температурата во некои делови на Камбоџа се искачила на 43 степени Целзиусови.

Во страшната експлозија на магацинот за муниција, уништени се канцелариите и блиската касарна, а оштетени се повеќе од 25 куќи. На социјалните мрежи се појавија фотографии од уништени касарни и воени возила.

„Инцидентот поврзан со експлозијата на муниција на 27 април оваа година е техничко прашање бидејќи муницијата и оружјето беа стари и оштетени, за што придонесе и екстремно топлото време“, се вели во соопштението на Министерството за одбрана на Камбоџа.

Премиерот Хан Манет рече дека е шокиран од експлозијата и дека властите ќе платат отштета на семејствата на жртвите. Ќе биде платен и погребот на жртвите. Семејствата на загинатите ќе добијат по 20.000 долари, а повредените по 5.000 долари.

Во поголемиот дел од Југоисточна Азија преовладува пеколна топлина. Во Бангладеш било одлучено да се прекине наставата и 33 милиони ученици и студенти не посетуваат настава. Тој забележал најмалку 30 удари поврзани со топлина во Тајланд од почетокот на годината. Во текот на целата 2023 година во оваа земја имало вкупно 37 мозочни удари, соопшти Министерството за здравство.

Експертите за клима велат дека екстремните горештини се резултат на феноменот Ел Нињо што го погоди западниот дел на Пацификот.

Свет

Порошенко со реакција, откако Русите распишаа потерница и по него

Поранешниот претседател на Украина, Петро Порошенко ѝ одговори на Москва, која денеска издаде налог по него, така што се фотографираше покрај заробен руски тенк на бојното поле.

„Денес руското Министерство за полиција ме стави на потерница. Дали не им се допаднаа нашите беспилотни летала или нашиот контрашпионски систем, кој моментално работи против руските беспилотни летала? А можеби и нашата опрема и друго оружје, не сум сигурен “, рече на социјалните мрежи, објави украинскиот портал prm.ua.

Тој додаде дека тоа му одговара „исклучително“, како и на одбранбените сили.

„Ми се допаѓа сè што ја уништува руската окупација на нашата украинска почва. Не сме застанале и нема да застанеме ниту еден ден, додека не ја ослободиме целата наша земја“, рече поранешниот лидер на Украина.

Порошенко истакна дека не е наведена причината за ставање на листата на барани лица.

„Се надевам дека тоа е поради патриотизмот и љубовта кон Украина. Тоа е признание за мене, практично, борбено признание. На крајот на краиштата, сè што направив во последните години сега очигледно доби висока оценка“, посочи Порошенко.

Претходно денеска на веб-страницата на Министерството за внатрешни работи на Русија беше објавено дека се трага по Порошенко и по актуелниот претседател на Украина, Володимир Зеленски.

притисни ентер