Домаќин на дводневниот самит е Саудиска Арабија, актуелен претседател на блокот. Поради ограничувања на патувањата и здравствените мерки за претпазливост во Ријад, официјалните лица нема лично да се соберат на првиот самит на Г-20 на арапско тло.
„Самитот Г-20 ќе се обиде да ја зајакне меѓународната соработка за поддршка на глобалното економско закрепнување и да постави солидна основа за силен, одржлив, избалансиран и инклузивен раст, потпирајќи се на успехот на самитот на Г-20 во март 2020 година“, рече саудискиот министер за финансии Мохамед Аjадан.
Во март лидерите на Г-20 ветија дека ќе координираат одговор на пандемијата.
Оттогаш, тие заеднички инјектирале 11 трилиони долари за да го ублажат влијанието врз глобалната економија.
Групата потоа покрена иницијатива за суспендирање на долгот на најмалку развиените земји, што ќе им овозможи на корисниците да го одложат долгот од 14 милијарди долари што требало да ги платат оваа година.
Наместо тоа, парите ќе бидат искористени за финансирање на здравствените системи и социјалните програми во тие земји.
Ова е првпат Саудиска Арабија да претседава со претседателство на групата која обединува 19 земји и Европската унија.
Г-20 сочинува две третини од светската популација, 85 проценти од светското економско производство и 75 проценти од светската трговија.