Ланчија го покажа првиот детал од новиот Ипсилон (ВИДЕО)

Lancia го прослави својот 117 роденден со најава за нов модел.

Тоа е Ypsilon, најмалиот и долго време единствениот модел на Lancia во гамата. Затоа, Lancia може да му се заблагодари на овој мал автомобил за неговиот опстанок, бидејќи откако беа повлечени Thesis, Delta, Thema и Voyager, само овој мал автомобил остана на сцената на старата основа на Fiat.

Ипсилон, кој отсекогаш бил посебен како огледало на италијанската висока мода, сега заслужува наследник. Тоа ќе се случи во февруари следната година, кога во Милано ќе биде претставен Ypsilon Edizione Limitata Cassina.

Овој модел ќе има целосно електричен погон, а ќе се нуди во 1.906 единици за да ја одбележи годината на основање на марката. Соработката со Cassina е уште еден доказ за посветеноста на дизајнирање и развој на нови форми.

Единствениот детал што можеме да го видиме е т.н „таволино“, просторот сместен напред помеѓу предните седишта. Во оваа верзија, очигледно е покриен со кожа. Исто така, лесно е да се претпостави дека Ypsilon ќе го добие електричниот погон познат од другите модели на Stellantis, како Peugeot e-208 и Opel e-Corsa. Верзиите со класичен (хибриден) погон ќе останат во понудата.

Да потсетиме, актуелниот Ипсилон е на пазарот веќе 12 години, а и сега постигнува респектабилна продажба.

Украинскиот премиер побара од САД економска помош во износ од 11,8 милијарди долари оваа година

Украина очекува да добие 11,8 милијарди американски долари економска поддршка оваа година, изјави денеска нејзиниот премиер Денис Шмигал.

Киев се соочува со буџетски недостиг од 37 милијарди долари во 2024 година поради двегодишната руска инвазија и се потпира на западните партнери за оваа витална помош.

Шмигал изрази надеж на форумот во Киев по повод втората годишнина од руската инвазија дека американските пратеници ќе ја одобрат долгоочекуваната економска и воена помош.

„Длабоко сме убедени дека САД нема да ја напуштат Украина“, рече тој, мислејќи на помошта од 60 милијарди долари што со месеци беше блокирана во американскиот Конгрес. /МИА

Абас го повтори своето противење на плановите на Израел за операција во Рафа

Абас денеска во разговор со јорданскиот крал Абдула Втори во Аман изјави дека се противи на израелските планови за воена операција во Рафа.

Претседателот на палестинската управа Махмуд Абас денеска во разговор со јорданскиот крал Абдула Втори во Аман изјави дека се противи на израелските планови за воена операција во Рафа, најјужниот град во Појасот Газа, каде што има повеќе од милион Палестинци.

Повеќето од тие Палестинци заминале во Рафа бегајќи од борбите во другите делови на енклавата, објавија медиумите на арапски јазик.

Абас и јорданскиот крал разговараа за последните случувања во војната меѓу Израел и Хамас во Газа, како и за напорите за зголемување на количината на хуманитарна помош за Палестинците во енклавата, особено нејзиниот северен дел.

Во разговорот беше истакната потребата да се дозволи слобода на вероисповед за Палестинците во џамијата Ал Акса за време на претстојниот Рамазан, откако минатата недела беше објавено дека израелската влада размислува да го ограничи бројот на луѓе на кои ќе им се дозволи да влезат, објави Тајмс оф Израел. /МИА

Нетанјаху: Израел ќе биде блиску до целосна победа со операцијата во Рафа

 Израелскиот премиер Бенјамин Нетанјаху денеска изјави дека офанзивата во Рафа, дури и ако биде одложена поради прекинот на огнот, ќе му овозможи на Израел да биде на дофат на целосна победа.

„Целосната победа ни е на дофат, не за неколку месеци, туку за неколку недели, кога ќе ја започнеме операцијата“, рече Нетанјаху во интервју за американскиот телевизиски канал Си-Би-Ес.

Како што пренесуваат странските агенции, Рафа е „последното упориште“ на палестинското движење Хамас во очите на израелскиот премиер, кој е решен таму да започне копнена офанзива за да го порази Хамас и да ги ослободи заложниците кои се држат во Појасот Газа, и покрај предупредувањата од меѓународната заедница.

Според ОН, околу 1,5 милиони луѓе се во Рафа, град кој се наоѓа на границата со Египет. Тој граничен премин сега е затворен.

„Ако постигнеме договор (за прекин на огнот), таа (офанзивата) на некој начин ќе биде одложена, но ќе се случи“, додаде израелскиот премиер. /МИА

притисни ентер