За разлика од сето досега видено, бидејќи Urus многумина не го доживуваат како вистинско Lamborghini, конечно се подготвува теренец достоен за познатото име. Тоа ќе биде Huracan, кој е на залез на кариерата, а ќе добие теренски Sterrato. Ова се очекуваше од 2019 година, кога беше претставен концептот на ваквото возило.
Не само што на овој Huracan ќе му биде дозволено да го напушти асфалтот, туку на макадамските патишта ќе му овозможи на сопственикот искуство во возењето на рели автомобил. Се разбира, под услов да не жалат за бојата на скапиот автомобил. Најавното видео, во кое автомобилот се уште е скриен зад хаубата, јасно сугерира што може и што треба да прави овој Ламбо.
Кросовер верзијата на Huracan изгледа злобно, и веројатно ќе биде достоен за името и изгледот. Дополнително подигнат, со посилни гуми и пластична заштита и LED осветлување на покривот, Sterrato е дефинитивно подготвен за offroad авантури.
Се претпоставува дека погонот ќе остане ист - 5.2 V10 со над 400 КС во комбинација со погон на сите тркала. Премиерата се очекува наесен, точно на време за да пристигнат првите примероци во салоните пред скијачката сезона.