Според првичните резултати партијата на потпретседателот на Европската комисија Франс Тимерманс, освои 5 пратенички места во новиот ЕУ парламент, што е за две повеќе од резултатот кој до направија во 2014тата. Втора е партијата на премиерот Марк Руте со 4 места, а трета е Евроскептичниот Форм за демократија. Тоа што можеби е најважно барем за нас, е дека вкупно што 8 пратеника добија евро скиптичните партии во новиот ЕУ парламент, што е за едно место помалку во споредба со досегашниот состав. Излезноста во Холандија беше малку над 41% што е во рамките на очекуваниот пад во однос на минатите циклуси. Вчера се гласаше и во Велика Британија на можеби едни од нај бизарните избори во поновата историја на земјава, бидејќи се бираа ЕУ пратеници, а земјата се надева дека уште годинава ќе најде политичко решение како да го спроведе Брегзитот, односно да ја напушти унијата. Неможноста да се задоволат апетитите на сите политички партии токму во однос на Брегзитот е причина Тереза Меј, во емотивен говор и низ солзи, од Даунинг Стрит 10 да најави дека на седми јуни ќе се повлече од премиерското место.
,,Дадов сè од себе. Се обидов да ги договорам најдобрите услови, направив сè за да ги убеди пратениците да му дадат поддршка на мојот договор. За жал, не успеав. Се обидов три пати. Верувам дека беше правилно да се истрае. Но, сега верувам дека е правилно нова личност да преземе. Ќе поднесам оставка во петок, 7 јуни. Ми беше најголема чест во животот да ѝ служам на земјата што ја сакам.”
Веднаш по оваа изјава лидерот на опозициската Лабуристичка партија Џереми Корбин ја поздрави одлуката Меј и го повика лидерот на конзервативците веднаш да распише нови британски избори.
Инаку, изборите за европскиот парламент се вторите најголеми на планетата, после оние во Индија. Граѓаните на Ирска и Чешка се единствените кои гласаат денеска на вториот ден, исходот од ЕУ изборите со особено внимание ќе се следат и во земјава, имајќи во предвид дека резултатот директно ќе влијае врз одлуката дали годинава ќе ги започнеме преговорите за членство. Објавувањето на извештајот на европската комисија е закажано за 29 месецов, а дотогаш власта и опозицијата треба да се договорат за законот за обвинителство, кој е единствениот преостанат од пакетот реформски закони.