Македонија

Кризна состојба во дел од земјава, во понеделник состанок на Советот за безбедност

Кризна состојба вчера е прогласена во Дебар и Центар Жупа откако се потвридја уште четири случаи на коронавирусот од овие региони. 

Во понеделник кај преседателот Стево Пендаровски ќе се одржи состанок на Советот за безбедност на која, освен постојаниот состав, повикани се министерот за здравство и началникот на Генералштабот на Армијата.

На седницата на Советот за безбедност, како што најави претседателот на прес-конференција, ќе бидат разгледувани евентуалните опции за справување со опасноста од ширење на коронавирусот. Според него, во однос на стоковите резерви нема простор за загриженост и потенцираше дека има доволно залихи и доколку се усложни состојбата со коронавирусот.

-Сите мерки кои надлежните институции ги предлагаат ќе бидат без ефект ако не дојдат до оние на кои им се наменети, значи до граѓаните, и во тој дел медиумите имаат двојна улога, и самите како граѓани на оваа земја да се придржуваат до нив, меѓутоа и да апелирате до сите останати да се придржуваат до мерките, рече претседателот посочувајќи дека неговиот Кабинет веќе ги редуцирал на минимум сите активности и на домашен и на меѓународен план.

Лидерот на ВМРО-ДПМНЕ Христијан Мицкоски пак информираше дека во консултација на тимот доктори и членови на комисијата за здравство на ВМРО-ДПМНЕ, како и економскиот тим изработиле и сет антикризни мерки за заштита на граѓаните и помош на бизнисот но предлага и веднаш да се прогласи кризна состојба на цела територија на државата

-Тоа значи дека предлагаме Владата веднаш да донесе одлука за постоење на кризна состојба соодветно на што ќе ги активира сите законски механизми за разрешување на кризната состојба. Откако ќе се направи ова, му предлагаме на Управувачкиот комитет да и предложи на владата конкретни мерки за справување со економските последици, истакнува Мицкоски.

Тој порача граѓаните да се информираат само од официјални извори, за да се спречи ширење на епидемија на лажни вести.

Според Законот за управување со кризи, Владата донесува одлука за постоење на кризна состојба, го определува подрачјето зафатено со кризна состојба и соодветно на тоа ги активира механизмите за разрешување на кризната состојба. Одлуката за постоење на кризна состојба не може да трае подолго од 30 дена. Ако кризната состојба продолжи да трае подолго од 30 дена, Владата треба да побара одобрување од Собранието за продолжување на рокот или да предложи прогласување на воена или вонредна состојба.

Во случај на кризна состојба можат да се употребат и ресурсите на јавните претпријатија, установи и служби, како и на трговските друштва кои се од посебно значење за работа во кризна состојба, во согласност со закон. Во случај на кризна состојба, по барање на Владата, врз основа на договор склучен со Центарот или добро волно, можат да се употребат и ресурсите на граѓаните и други правни лица кои не се опфатени во ставот 1 на овој член.

Според законот, во членот 35 се предвидува можност и дел од Армијата да учествува во поддршка на полицијата во услови кога со кризната состојба е загрозена безбедноста на Републиката, а органите на државната управа немаат соодветни ресурси и средства за нејзина превенција и справување. Предлог до Владата за потребата за учество на дел од Армијата, согласно со Стратегискиот одбранбен преглед на Републиката дава Управувачкиот комитет. По предлог на Владата, за учество на дел од Армијата во справувањето со кризна состојба, одлучува претседателот. Претседателот во секое време може да ја преоцени потребата од учество на делот од Армијата.

Од земјите во регинот, вчера Бугарија прогласи вонредна состојба до 13 април за да се спречи ширењето на новиот коронавирус, откако бројот на потврдени случаи се искачи на 23.

За време на вонредната состојба, патувањето до и од земји со голем процент на заразени ќе биде забрането, училиштата и универзитетите ќе бидат затворени, а на полицијата ќе и биде дозволено да интервенира за да ги изолира заразените лица./MИА

Македонија

ДИК: Прегласување ќе има на 7 избирачки места, гласањето ќе биде во среда на 22 мај

Изборите сепак не се завршени. Во игра се уште два мандати, по еден во 5-тата и 6-тата изборна единица, кои првично го доби ДУИ, но по прегласувањето може да ги изгуби.

По синоќешната одлука на Управниот суд да ги отфрли сите жалби на Европскиот фронт, ДИК на седница на која не пресуствуваше потпретседателката претставник на ДУИ, Дитмире Шеху, едногласно ја донесе одлучи во среда да се гласа на едно избирачко место во селото Ларце, Желино кое е дел од шестата изборна единица, како и во шест изборачки места во Крушево, Долнени, Струга и Охрид, кои се во рамките на 5-тата изборна единица.. .

ДИК – прегласување за Парламентарни избори 2024

Изборна единица 5 Изборна единица 6

Крушево – избирачки места 1194 и 1202 с. Ларце - Желино - 2101

Долнени – избирачки места 1470 и 1470/1

Струга – избирачко место 1884

Охрид – избирачко место 1272

ДУИ во 6-тата изборна единица освои 9 мандати наспротив 7 на Вреди, но доколку разликата на ова избирачко место се зголеми за дополнителни 80 гласа, тогаш Вреди ќе добие уште еден мандат и ќе се изедначат со по 8 пратеници. Во петката пак, ВМРО ДПМНЕ доби 10 пратеници, Европски фронт 4 и СДСМ тројца. Но по прегласувањето има три опции, може да се случи ДУИ да го задржат пратеничкиот мандат, но и да го добијат или СДСМ или ВМРО ДПМНЕ.

Свет

Состојбата на Фицо е стабилизирана, но и натаму е сериозна

Тој засега нема да биде префрлен во Братислава, соопштија словачки министри.

Состојбата на словачкиот премиер Роберт Фицо е стабилизирана, но и понатаму е сериозна, изјави словачката министерката за здравство Зузана Долинкова.

Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина испука во него неколку истрели од пиштол.

Долинкова објасни дека вчерашната двочасовна операција за отстранување на мртвото ткиво од повеќекратните прострелни рани, која ги зголемила надежите за негово закрепнување, „придонела за позитивната прогноза“ за Фичо.

Словачкиот вицепремиер и министер за одбрана Роберт Калињак им изјави на новинарите пред болницата каде се лекува Фицо дека неговиот трансфер во главниот град Братислава од малиот град во областа, каде што беше застрелан пет пати нема да се случи во следните неколку дена.

Според вицепремиерот, не било потребно официјално преземање на функциите на Фицо и има одредена комуникација со него.

Напаѓачот денеска за прв пат се појави во судницата во Пезинок, гратче недалеку од главниот град Братислава. Судската зграда ја обезбедуваше маскирани полицајци вооружени со пушки./МИА

Македонија

Во Музеј на вино Кавадарци уметници творат на тема вински артефакти

 Во Музеј на вино Кавадарци уметници творат на тема вински артефакти, во рамки на одбележувањето на Меѓународниот ден на музеите. 

- Ликовни уметници творат во чест на музеите. Темата на ликовниот хепенинг е „Винскиот музеј низ артефактите“. Всушност, на лице место уметниците сликаат на платно, додека заедно со посетителите кои ја следат нивната активност, имаат можност да дегустираст вино од ова поднебје и македонска храна. Настанот го организиравме во соработка со здружението на граѓани љубители на уметноста „Роднокрајци“, чии претставници творат на платно. Ги спојуваме историјата, културата и традицијата на лозаровинарството во најголемиот регион за лозарство и винарство во државата. Уметноста на платно и уметноста во извонредните вино и храна, подвлече Весела Честоева, директор на Вински музеј за регион „Тиквеш“, со седиште во Кавадарци.

Настанот е дел од програмата за работа на музејот, со поддршка на локалната самоуправа. /МИА

притисни ентер