Перспективата на односите ќе може да се согледа дури откако лидерите на двете земји ќе се состанат - соопшти Кремљ.
- Ние не гледавме низ розови очила, никогаш немавме илузии, така што нема во што да бидеме разочарани - изјави за новинарите портпаролот на рускиот претседател Путин, Дмитриј Песков - пренесе Ројтерс.
Тој ова го изјави на прашањето дали Кремљ се почувствувал изневерен поради недостатокот на напредок во односите со САД по инаугурацијата на Трамп, кој во текот на предизборната кампања се залагаше за обновување на односите со Русија.
- Сеуште немало суштински контакт меѓу двајцата шефови на држави. Не е познато кога тоа ќе се случи. Веројатно дури откако ќе разговараат, ќе биде јасно каде остануваат значителни разлики и каде би можело да се открие подрачје за соработка - наведе Песков.