Регион

Косовската полиција го презеде комплексот „Рајска бања“ во Бањска

Косовската агенција за приватизација презеде контрола врз хотелот во Бањска, во општина Звечан.

Агенцијата со помош на полицијата на почетокот на акцијата ги избркала работниците од објектот и ги сменила бравите.

На КПА ѝ помагала косовската полиција, додека се случувало преземањето.

„Косовската полиција ѝ понуди помош на КПА по барањето да се стават под управа објектите на Н.Ш. сопственост на Н.Ш.Трепча Стандард, со седиште во Северна Митровица, која е во надлежност на ПАК.Бидејќи КАП немала пристап до тој дел до сега, по создавање услови и пристап и по добиена информација дека имало и незаконски активноста во овие објекти, КАП со помош на полицијата го стави имотот под своја управа.Пред да се преземат овие мерки, АКП се обиде да стапи во контакт со партиите кои досега ги користеа овие објекти, но не успеа да ги идентификува или контактира со нив“, се вели во соопштението од Агенцијата за приватизација на Косово.

И косовската полиција ја потврди акцијата за локалните медиуми.

„Полицијата им помагаше на службениците од оваа институција до крајот на проверката дали овој хотел е сопственост на фирмата „Трепча““, изјави заменик директорот на полицијата за север, Ветон Елшани.

Објектот Рајска бања беше отворен во 2019 година и беше финансиран од Канцеларијата за Косово и Метохија.

Отворањето на хотелот во Бањска го изврши Марко Ѓуриќ, кој е амбасадор на Србија во САД.

Свет

Десетици илјади луѓе протестираа низ Франција барајќи повисоки плати и мир

Десетици илјади луѓе ширум Франција се приклучија на синдикалните собири за повисоки плати и мир по повод Меѓународниот ден на трудот.

Од Марсеј до Лион, Рен или Тулуз на големите поворки во големите градови се вееја знамиња на различни синдикати и палестински знамиња.

Во Париз, според синдикатите, се собрале 50.000 луѓе, а според полицијата 18.000, атмосферата на почетокот била карневалска, но на крајот полицијата интервенирала со солзавец.

Според полицијата, група од 4.500 луѓе, со „неколку стотици радикали“ запалиле камион, а уништени се и излози.

Досега се уапсени 25 лица.

Низ цела Франција, 12.000 полицајци се распоредени за да го зачуваат мирот, од кои 5.000 во Париз.

Моќниот синдикат ЦГТ упати апел против „мерките за штедење“, за отворање работни места, повисоки плати и мир.

Водечкиот синдикат ЦФДТ ги повика луѓето да се приклучат на маршевите во повиците за поамбициозна Европа која повеќе ги штити работниците. /МИА

Свет

Папата ја осуди индустријата за оружје

Папата ја осуди индустријата за оружје, нагласувајќи дека „таа профитира од смртта“.

Папата Франциск денеска упати молитви за жртвите од војните во Украина, палестинските територии, Израел и бегалците Рохинџи во Мјанмар, нагласувајќи дека, „за жал, најпрофитабилните инвестиции се оние поврзани со индустријата за оружје“.

- Војната секогаш е пораз, секогаш. Ние бараме мир, бараме вистински мир за овие народи и за целиот свет, рече папата, по повод католичкиот црковен празник Свети Јосиф Работник, пренесе Ватикан Њуз.

Обраќајќи им се на присутните во салата Павле VI во Ватикан на општа аудиенција, папата ја осуди индустријата за оружје, нагласувајќи дека „таа профитира од смртта“. /МИА

Македонија

Пронајдено 5-годишното девојче кое се оддалечило во паркот во Сарај

Пронајдено е 5-годишното девојче кое доцна попладнето исчезна во паркот во Сарај.

Детето, чие оддалечување од местото било пријавено нешто по 16 часот од нејзин роднина, било пронајдено по околу два часа во близина на трговскиот центар Сарај, инфомираат од МВР.

Претходно, од полицијата информираа дека се трага по девојче со руса долга коса, облечено во розово фустанче и розови чевли.