Кошарка

Кошаркарите на „Феникс“ отпатуваа за Будимпешта

Младите кошаркари на скопскиот клуб Феникс 2010, отпатуваа за Будимпешта каде од четврток до сабота ќе настапат на првиот турнир од Централната дивизија на Европската младинска лига (ЦЕ – ЕИБЛ).

Генерацијата на играчи родени 2001-ва година, кои пред две сезони стигнаа до Супер-финалето односно беа меѓу осумте најдобри во Европа и овој пат се надеваат дека може да го повторат, но и надминат тој успех.
Задачата ни малку нема да биде лесна бидејќи во секоја нова сезона, конкуренцијата е се посилна. На првиот од двата турнири, „фениксовци“ ќе се надигруваат со врсниците од Унгарија, односно домаќинот Маџари Тајгерс, финскиот тим МуКи Хелсинки, екипата на Лондон Јунајтед и чешкиот тим УСК Прага.
Покрај овие четири тима, противници на „Феникс“ на вториот турнир закажан за почетокот на март, ќе бидат уште четири екипи, а од деветте само двете најдобро рангирани ќе обезбедат место во суперфиналето.
Покрај оваа генерација на „Феникс“, во истиот период, но во градот Пакс ќе игра и селекцијата У-15 односно генерацијата на играчи родени 2003-та, кои ќе настапат на својот втор турнир сезонава./МИА

Забава

Фото: Лепа Брена на јахта за Велигден

Големата балканска музичка ѕвезда Лепа Брена на социјалните мрежи откри дека најголемиот христијански празник Велигден ќе го помине на својата јахта вредна 6 милиони евра.

Пејачката отпатувала на луксузна дестинација, а на својот Инстаграм профил објавила и покажала колку уживала.

На фотките Брена позира на палубата од јахтата.

Шоу биз

Видео: Рекорден концерт на Мадона во Рио

Кралицата на попот Мадона постави уште еден рекорд. Легендарната пејачка одржа рекорден бесплатен концерт во Рио де Жанеиро, на кој присуствувале фантастични два милиони луѓе -!

Кралицата на попот Мадона синоќа на плажата Копакабана во Рио де Жанеиро го одржа последниот концерт од својата турнеја „Celebration“, а се проценува дека спектаклот го посетиле меѓу 1,6 и 2,2 милиони луѓе.

Мадона на тој начин го сруши рекордот на Дијана Рос и овој настап сега и официјално е најпосетениот концерт на една изведувачка во историјата.

Ова воедно беше нејзин 81 концерт од мегауспешната турнеја со која ја прослави својата 40-годишна кариера.

Концертот бил бесплатен, а е финансиран од најголемата банка во Латинска Америка како подарок за граѓаните.

Забава

Фото: Бритни Спирс во центар на нов скандал: Покриена со јорган надвор од хотел

Според дел од светските медиуми, контроверзната музичка ѕвезда Бритни Спирс била видена во ноќта помеѓу 1 и 2 мај,  облечена само по долна облека покриена со јорган пред хотел.

Како што наведува „ТМЗ“, пејачката била во хотелот Шато Мармонт со своето момче Пол Солиз.

Во текот на вечерта дошло до конфликт, најверојатно меѓу нив двајца, по што некој од присутните повикал полиција, велејќи дека женско лице, кое наликува на Бритни Спирс, малтретирало луѓе и им се заканувало.

Полицијата пристигнала по 22:30 часот, но не констатирала траги на насилство и си заминала.

Изворот на ТМЗ наведува дека Бритни и Пол отишле во хотелска соба, каде продолжиле да пијат. Набрзо повторно се скарале, по што, според изворот, дошло до физички контакт, при што Бритни си ја повредила ногата.

Бритни потоа истрчала во ходникот, викајќи и врескајќи, а гостите повикале брза помош, која брзо пристигнала и успеала да стапи во контакт со пејачката, пренесува „b92“.

притисни ентер