Македонија

Конче го заокружува процесот на окрупнување на земјоделското земјиште

Земјоделците од општина Конче денеска на Собрание треба да се произнесат по предлог-планот за окрупнување на земјиштето.

Тие се сопственици на мали, меѓусебно оддалечени парцели, поради што е предвидено да направат размена со цел добивање поголеми површини полесни за обработка и профитабилно производство.

Земјоделците се дел од проектот за консолидација што почна пред околу пет години со поддршка на ФАО, а продолжи да се спроведува со помош на ЕУ.

Консолидацијата во Конче ќе опфати 28 хектари, површина фрагментирана на 101 парцелa, секоја со просечна големина од само 0,39 хекатри.

На Собранието, освен земјоделци вклучени во процесот на окрупнување на земјиштето, ќе присуствуваат и заменик-министерот за земјоделство, Благе Цветковиќ, градоначалникот Благој Илиев, како и претставници на ФАО.

Собранието го организира Министерството за земјоделство со поддршка на проектот „МАИНЛАНД", финансиран од ЕУ, а реализиран од ФАО./МИА

Македонија

Првични резултати од центарот на ВМРО-ДПМНЕ: Силјановска 126.678 Пендаровски 51.965

На обработени 12% од избирачките места и 4,43% од гласачите во Македонија, Гордана Силјановска Давскова има огромно водство пред Стево Пендаровски.

Според центарот на ВМРО-ДПМНЕ, на кандидатката поддржана од ВМРО-ДПМНЕ, Гордана Силјановкса Давкова досега гласале 126.678 лица, а за кандидатот поддржан од страна на СДСМ, Стево Пендаровски гласале 51.965лица. Регистрирани се и 7555 неважечки ливчиња.

Тенис

Ѓоковиќ ги охрабри навивачите: Очекувам да бидам во врвна форма на Ролан Гарос

Новак Ѓоковиќ одржа прес конференција во Рим, каде ќе учествува на Мастерсот, што е негова последна подготовка пред Ролан Гарос.

Ноле истакна дека е задоволен од тоа како ги одработил тренинзите и очекува да биде во топ форма за Ролан Гарос, како и за Вимблдон и Олимписките игри потоа.

- На добар пат сум да бидам во топ форма на Ролан Гарос. Одработив добар тренинг, се надевам дека ќе играм подобро овде отколку во Монте Карло. Целта е да се оди што подалеку.

- Задоволен сум од тоа како поминаа последните 14 дена, со оглед на серијата на Ролан Гарос, Вимблдон и Олимписките игри, што е важен блок за мене... Но, тренинзите со спаринг-партнерите не е исто што и играњето против најдобрите играчи во светот. Мора да го вратам ритамот и интензитетот на натпреварувањето - истакна Ѓоковиќ.

Ѓоковиќ е слободен како прв носител, а во вториот носител ќе игра против победникот од мечот Роман Сафиуљин - Корентан Муте.

Македонија

Првични резултати од центарот на ВМРО-ДПМНЕ: Силјановска 68.65%, Пендаровски 27.28%

На 8% од обработените гласачки места во Македонија, Гордана Силјановска Давскова води со над 50.000 гласови разлика пред Стево Пендаровски.

Според центарот на ВМРО-ДПМНЕ, на кандидатката поддржана од ВМРО-ДПМНЕ, Гордана Силјановкса Давкова досега гласале 86.688 лица, а за кандидатот поддржан од страна на СДСМ, Стево Пендаровски гласале 34.450 лица. Регистрирани се и 5134 неважечки ливчиња.