Некои дури нудат слободни денови само поради менталното здравје. Nutrition Solutions, од друга страна, е компанија која им плаќа на своите вработени да вежбаат.
Во среда и петок секој вработен во оваа компанија за подготовка на оброци, има можност да присуствува на бесплатен час за вежбање пред почетокот на работниот ден.
„Ако доаѓаат на вежбите, тие работат. Тие добиваат плата без разлика на платата, само за да бидат таму“, вели Крис Кавалини, извршен директор на Nutrition Solutions.
Кавалини објаснува дека ова им овозможува на неговите вработени да не губат време после работа со вежбање и им помага да работат на нивните лични цели или да поминуваат време со семејството и пријателите.
Вежбањето на вработените вклучува калистеника, вежби со телесна тежина, џогирање на отворено, па дури и тренинг за ментална сила, како што е потопување на телото во ледена вода.
„Војската исто така плаќа за да тренира и да остане фит. Сум видел од прва рака како вежбањето ја подобрува дисциплината и севкупниот квалитет на животот. Верувам дека клучот за исполнет живот е силниот ум, а за да се изгради таков, прво мора да создадеш силно тело“, објаснува Кавалини.
Неговата цел е да им помогне на вработените да станат најздрава, најсилна и најдоминантна верзија од себе.
„Ова ја гради отпорноста и го подобрува начинот на кој реагираме на стрес“, тврди тој.
Во оваа компанија биле воведени вежби уште во 2016 година. Тогаш дошле само Кавалини и уште еден вработен. Сега на часовите има до 40 луѓе.
„Ова е инвестиција во вработените, но и во мене. Им го предлагам тоа на сите шефови. За возврат, ќе добиете посилен, подисциплиниран и поенергичен член на тимот“, вели тој.