со ова ССК станува организација која претставува 35 стопански комори заедно со доплнителни 33 организации и институции или вкупно 68 правни лица.
Договорот за формализирање на соработката денеска беше потпишан во ССК.
– Формализирањето на соработката следи по разговорите што ги имавме и заедничките теми што при тоа ги изнајдовме на кои може да соработуваме за да се подобри работата на компаниите кои работат во геодетскиот сектор. Се надеваме дека во следната година ќе продуцираме резултати со кои ќе успееме да ја издигнеме професијата на едно повисоко ниво и да спроведеме европски и светски практики во областа на геодезијата, рече претседателката на ССК Данела Арсовска по потпишувањето на договорот.
Претседателот на Комората на трговци поединци овластени геодети и трговски друштва за геодетски работи, Горан Јованоски посочи дека нивната комора е формирана во 2008 година и има за цел да ги застапува интересите на овластените геодети кои работат како трговци поединци и трговски друштва кои вршат геодетски работи врз основа на доделени јавни овластувања.
– Посветени сме и на промоција на дејноста која е директно врзана со повеќе економски гранки, едукација на компании, унапредување на регулативата и меѓународна соработка. Во остврување на овие цели партнерството со ССК е од исклучително значење и идната соработка се темели на зајкнување на улогата на нашите членки во економскиот развој, а особено вмрежување и создавање на партнерства со компании членки на Сојузот со цел решавање на нивните гедетски прашања и унапредување на дејноста, рече Јованоски и нагласи дека вмрежувањето е од особена важност за развој на Комората. /MИА