Колку кинеските автомобили се купуваат во Европа?

Како пример беше земен еден од најлибералните пазари за автомобили на Стариот континент.

Во ниту една друга земја во Европа нема повеќе кинески марки на автомобили застапени на пазарот отколку во Норвешка. Само оваа година во таа скандинавска земја се регистрирани тринаесет нови марки на автомобили, каде секој ја гледа својата можност, сметајќи на високиот стандард на клиентите, отвореноста на пазарот и големиот удел на електрични автомобили.

Некои од брендовите сами го пронајдоа патот до Норвешка, додека други беа преземени од норвешки увозници. Заедничко за речиси сите овие марки на автомобили е што сè уште не нашле „рудник за злато“, но има исклучоци, пишува Ревијахак.

Кога зборуваме за типични кинески брендови, првенствено се мисли на брендови кои потекнуваат од Кина. Не „Volvo“ и „Polestar“, на пример, шведските марки на автомобили кои беа купени и продолжија да се развиваат од кинеската „Geely“.

Статистиката на досегашните регистрации во тековната година покажува дека дури на 20-то место на листата може да се наиде на првиот кинески бренд. Ова е „MG“, кој годинава успеа да го продаде својот електричен „MG 4“ во солидни количини.

Исто така, и следниот кинески модел доаѓа од компанијата „MG“ – „ZS EV“, па дури и третиот „Marvel R“. Но, сето тоа се мали количини. Зад нив е најголемиот производител на автомобили во Кина, „BYD“, со два модели „Tang“ и „Atto 3“.

На нешто повеќе од еден месец до крајот на 2023 година, „Nio“ продаде само 470 возила во Норвешка оваа година. Тоа е нешто повеќе од три автомобили по вработен во нивната канцеларија и салони.

Потоа доаѓа луксузниот „Hongqi E-HS9“ рангиран на 103-то место меѓу електричните возила. Далеку на листата се брендовите како „Voyah“, кои на пазарот влегоа минатата година со теренецот „Voyah Free“.

Од прекрасниот изложбен салон во центарот на Осло, тие продадоа 10 автомобили во 2022 година, а досега продадоа 18 автомобили оваа година. За споредба, само моделот „Y“ на „Tesla“ е продаден за пет пати повеќе (20.000 единици) од сите кинески модели, пишува „elbil24“.

Девет лица загинаа во сообраќајна несреќа во Јужна Африка, се враќале од партиски митинг

Девет лица загинаа во сообраќајна несреќа во Јужна Африка додека се враќале од митинг на владејачката партија Африкански национален конгрес.

Поддржувачите на партијата на претседателот Кирил Рамафоса се враќале дома со автобус по митингот во градот Дурбан.

Автобусот излетал од патот и се превртел, соопшти полицијата.

Службите за итни случаи објавија дека уште 17 лица се повредени во несреќата кај градот Паулпитерсбург, на околу 360 километри северно од Дурбан.

Африканскиот национален конгрес соопшти дека некои од повредените се во критична состојба.

Партијата официјално ја започна својата изборна кампања на стадионот Мозес Мабхид во Дурбан пред десетици илјади поддржувачи, а изборите се закажани за 29 мај. /МИА

Лев: Не сум заинтересиран да работам во Германија

Поранешниот селектор на германската фудбалска репрезентација, Јоаким Лев ја отфрли можноста за назначување за тренер на Баерн.

-Постојат различни причини за ова. Од една страна, Баерн не е заинтересиран за мене, од друга, јас самиот не сум заинтересиран да работам за Баерн. Долго бев селектор на германската репрезентација, работа тука за мене не доаѓа предвид. Патував низ земјата 17 години, ги посетив сите стадиони и добро ги познавам клубовите. Така што во Германија немам мотивација, изјави 64-годишниот поранешен тренер во интервју за „Билд“.

Лев во текот на својата тренерска кариера од позвучните клубови има работено во Австрија Виена, Карлсруе, Фенербахче и Штутгарт.

Во моментов тренер на Баерн Минхен е Томас Тухел, но по завршувањето на сезоната 2023/24, Баварците ќе имаат нов предводник. /МИА

Почина Славе Сирачевски, познат угостител и сопственик на Аурора

Почина Славе Сирачевски, сопственикот на туристичката агенција Аурора Турс, угостителски објект на езерото Козјак и на еден од најубавите хотелски ресорти во Македонија, Аурора Берово.

Веста на фејсбук ја објави поранешниот директор на Агенцијата за туризам Љупчо Јаневски.

„Македонскиот туристички сектор загуби еден од креаторите и визионерите на македонскиот туризам.

Славе Сирачевски со Аурора Турс и уникатните концепти на Хотел Аурора Берово и Аурора Козјак успеа да докаже дека вложувањата за рурален туризам е голема можност во Македонија и пример за регионот!

Во мое лично име изразувам сочуство на семејството!

Благодарам Славе за многуте совети кои ги сподели со мене и помогна во мојот кариерен развој и развојот на македонскиот туристички сектор.

Почивај во мир Славе“, напиша на својот статус Љупчо Јаневски.

Сочувство до семејството Сирачевски од целиот тим на Канал 5.

притисни ентер