Технологија

Колку чинат деловите за најмоќниот „iPhone 15“?

„Apple iPhone 15 Pro Max“ чини малку повеќе за производство од минатогодишниот модел, а на тоа влијае новиот чипсет, титаниумско куќиште и новите камери.

Аналитичката компанија „Counterpoint Research“ објави извештај во кој ги наведува цените на компонентите во производството на моделот „iPhone 15 Pro Max“. Споменатиот телефон на пазарот се продава по цена од 1199 долари.

За основниот модел со 256 GB простор за складирање, „A17“ процесор и нова телефото камера, „Apple“ издвојува 502 долари за сите компоненти на телефонот во производство.

Анализата открива дека компонентите за „iPhone 15 Pro Max“ се 37,7 долари поскапи од минатогодишниот модел „iPhone 14 Pro Max“, кој исто така беше лансиран по цена од 1.199 долари.

Така, чипсетот „A17 Pro“ е 30 долари поскап од „A16 Bionic“, најмногу поради тоа што е создаден во процесот на производство на 3nm.

Телефото камерата со перископ за прв пат пристигна на „iPhone“, што доведе до зголемување на цената на комплетниот систем на камера, кој чини 25,1 долари повеќе.

Дополнително поскапување предизвика додавање на титаниумско куќиште.

„Apple“ ја зголеми количината на RAM во моделот „iPhone 15 Pro Max“, која сега е „8 GB“ (наместо 6 GB на претходникот). Поради глобалниот пад на цените на меморијата, пониска цена е забележана и во овој сегмент, како и кај екранот обезбеден од „Samsung Display“ и „LG Display“.

Интересно е што компонентите сочинуваат 42 отсто од вкупната цена за iPhone 15 Pro Max, а остатокот ги вклучува трошоците за производство, маркетинг и трошоци за истражување и развој.

Извор: Б92

Свет

„Мува“ е прекарот на нарко босот, поради кого е нападнат полициски конвој во Франција (ВИДЕО)

Затвореникот Мохамед А., познат како „Мува“, наводно побегнал откако вооружена група нападнала полициски конвој во Франција.

Во нападот загинаа најмалку двајца затворски чувари.

Мохамед (30) бил осуден за тешка кражба, а претходно бил обвинет и за обид за убиство, јавуваат француските медиуми.

Полициски извори наведуваат дека тој бил шеф на наркомафија.

Според првите информации, „Мува“ избегала со четворица напаѓачи со „ауди“ кое полицијата го пронашла запалено на неколку километри подалеку.

Нападот се случил додека „Мува“ во конвој бил вратен во затвор од Обвинителството каде бил на распит.

Свет

Најмалку осуммина загинати и 45 повредени во автобуска несреќа во Флорида (ВИДЕО)

Најмалку осум лица загинаа, а 45 се повредени во сообраќајна несреќа на Флорида во која учествувал автобус.

Несреќата се случила во округот Мерион во 6:30 часот по локално време, објави Њујорк Пост.

Портпаролот на полицијата соопштила дека во моментот на несреќата во автобусот имало мигранти кои работеле на фарма со лубеници.

Македонија

Двојно убиство во Стајковци: 67 - годишен маж си ги убил братот и снаата

Попладнево во пукање во скопско Стајковци убиени се две лица.

Неофицијално, повозрасен маж ги убил братот и снаата, по што самиот се избодел. Во моментов е хоспитализиран во болницата „Свети Наум Охридски“, потврдуваат за Канал 5 од СВР Скопје.

Денеска (14.05.2024) во 12.30 во СВР Скопје било пријавено дека во с.Стајковци, скопско, на тераса и на скали во домот со повреди на главата биле пронајдени С.К.(57) и нејзиниот сопруг В.К.(64). Лекар од Итна медицинска помош на местото констатирал смрт кај С.К., додека В.К. со повреди бил пренесен во Комплексот клиники „Мајка Тереза“ каде што во 14.00 часот починал. Полициски службеници од Полициската станица Гази Баба и Единицата за интервентна полиција при СВР Скопје со убодни рани го пронашле и Љ.К.(67), брат на В.К., кој имал здравствени проблеми и за кој постои сомнение дека е сторител на убиството. Тој, исто така, е пренесен во медицинска установа за укажување помош. Се преземаат мерки за целосно расчистување на случајот, соопшти МВР.