Ова е ставот на дел од аналитиачрите по последните тонови упатени од власта и од опозицијата дека е потребна заедничка државна стратегија и консензулна внатрешна политика околу државните интереси и евроинтеграциите на земјава.

„Многу е тешко да се обедините кога почетните позиции ви се толку дијаметрално спортивни, а Македонија е поделена на тоа прашње и по етничка основа. Имајќи ги во предвид ваквите поделби тешко е дека овие повици ќе доведат до некаков заеднички резултат. Но мора да се каже дека самиот повик за обедниување и за седнување на маса за инклузивен дијалог околку предизвиците со кои се соочува државата се чекот во вистински правец“– Петар Арсовски, политички аналитичар.

„Политичките разлики завршуваат на границите на државата кога е во прашање надворешната политика. Надворешната политика секогаш мора да биде унисона затоа што затоа што во спротивно вие ја отежнувате работата на допломатијата на онаа партија што е на власт во тој момент. Јас се надевам дека конечно созреавме и дека ќе сфатиме дека без дијалог меѓу власта и опозицијата нема напредок на државата, и тука нормално треба да се постигнуваат компромиси“.. – Јован Донев, поранешен амбасадор.

И Донев и Арсовски сметаат дека постои извесна промена на ЕУ вокабуларот кон земјава и дека е добро што европските лидери почнале ги сослушуваат македонските политичари, но порачуваат дека е мала веројатноста ЕУ да го промени официјалниот став за евроинтеграциите на земјава.

„Има некаква промена на вокабуларот кон нас, меѓутоа се уште се тоа мешани пораки. Од политичките лидери како Орбан, Макрон некаква надеж за промена на условите, а од официјалните претставници на ЕК и ЕУ тврди повици за исполнување на договореното. Тие мешани пораки ќе направат некаква конфузија и не сум сигурен во кој правец тоа ќе се развива. Доколку ЕК и ЕУ го сменат ставот можеби има простор за некакви промени“– Петар Арсовски, политички аналитичар.

„Фактот дека почнуваме да разговараме и фактот дека не сослушуват е добар знак. Меѓутоа се уште е многу рано да зборуваме дека имаме некави сериозни поместувања. Треба да го цениме тоа што не сослушуваат, што претседателот Макрон го сослуша премиерот Мицкоски тоа е голема работа, меѓуоатоа не значи дека се прфатил од еден разговор.. тоа ќе оди многу бавно и многу тешко“– Јован Донев, поранешен амбасадор.

На потребата од синхронизација и усолгасување околу националните и државните интереси меѓу политичките јасно укажа претседателката Сиљановска во годишното обраќање пред пратениците, речиси во исто време кога градење на заедничка државна стратегија предложи и опозицискиот лидер Филипче на прес-конференција.

Директорот на пазарен за Канал 5 вели и натаму се анализираат цените на основните прехранбени продукти кои не се дел од новогодишната кошничка, по што ќе се знае дали Владата ќе донесе или не поригорозни мерки, кои вчера ги најавија и премеирот и министерот за економија.

Од пазарен велат, досегашните анализи покажале дека, дел од производите кои граѓаните секојдневно ги купуваат а не се дел од кошницата откако изминатиов период дрстично поскапеа, од вчера почнале да се намалуваат и тоа за околу 20 %. Граѓаните кои ги анкетиравме велат едвај врзуваат крај со крај.

Заменик министерот за економија и труд Марјан Ристески, во гостување во Здраво Македонијо на Канал 5, вели свесни се дека цените на основните прехрамбени производи кои не се дел од кошницата, која беше предложена од самиот бизнис, се покачани, но и тој верува дека сите трговци ќе реагираат навреме и нема да бидат приморени како Влада да делуваат.

„На некој начин сами си ја изигруваат мерката....доколку продолжи тоа така имаат рок да ги средат цените. А гледам вчера имаше најава за средување на цени на овие производи како што се јајацата, одредени месни производи, месо, маслото, кафето, какото, шеќерот и ред други производи ќе бидат намалени и во наредниот период ќе бидат намалени. Доколку тоа не го осетиме, ние ќе бидеме приморани да направиме нова мерка која ќе биде поригорозна.“ -изјави Марјан Ристески – заменик министер за економија и труд.

Новогодишната кошничка која премиерот и министерот Дурмиши ја промовираа на почетокот на месецов, е прва ваква мерка предложена од самите трговци, дистирбутери и производители, на листата се најдоа над 1000 производи, кои поевтинија за намалку 10 %.

Но на сметка на кошничката скокнаа цените на основните производи, за што од Владата изразија разочараност. Премиерот Мицкоски изминативе денови упати апел до трговиците да си го преиспитаат однесување, рече дека дел од цените се зголемиле и за дури 25 % и доколку тоа не се промени во следниве денови, предновогодишно, како Влада ќе донесат нови мерки.

Уставните измени за внесување на Бугарите ќе се случат тогаш кога владејачката коалиција ќе биде сигурна дека има политичка волја и предвидливост во процесот со ЕУ, без опасност од нови блокади за членство во Унијата, вели претседателот на Собранието, Африм Гаши. На неколку дена до Нова Година, рок кој од коалицијата „Вреди“ беше посочен како краен датум за носењето на уставните измени, Гаши изјави дека не се сеќава дека тоа било напишано во програмата, но оти промената на Уставот е комплексно прашање, кое не зависи од еден политички елемент.

- Не се сеќавам дека тоа беше напишано во програмата, но секако имаше такви изјави. Коалицијата ‘Влен’, сите пратеници, стојат зад тоа и ние, ако би дошле на дневен ред, уставните измени би ги гласале и денеска, но мислиме дека треба заеднички да се договориме кога тоа е најдобро за државата, за сите граѓани и затоа правиме максимални напори како парламентарно мнозинство да ги донесеме уставните измени кога ќе биде најдобро за нашата држава, кога ќе има политички договор за тоа и кога ќе бидеме убедени дека имаме предвидливост во процесот. Тоа значи дека нема да имаме повторно вето за три месеци, за шест месеци и така натаму“, рече претседателот на Собранието, Гаши.

Интерпелациите кои ги поднесе „Европскиот фронт“ за работата на вицепремиерите Меџити и Стоилковиќ, министерот на внатрешни работи Тошковски и неговиот заменик, Исени, како и онаа од Левица за пратеничката и претседателка на собраниската Комисија за социјална политика, демографија и млади Илире Даути заради блокада на Законот за бранители, собранискиот спикер очекува да бидат ставени на пленарна седница на почетокот од Новата година. Сепак, според него тие ќе немаат правен ефект.

- Очекуваме околу 10 јануари, но се уште не е свикана седницата. Ќе бидат ставени на дневен ред како што е по Деловник. Ако има одговори, ќе бидат ставени на дневен ред како што доаѓаат одговорите, а ако не ќе ги ставиме во дневен ред како што доаѓале. Во однос на ефектот на интерпелациите, интерпелацијата како инструмент нема правна последица и нема егзекутивна моќ. Тоа е повеќе демократска алатка за политичка дискусија околу една тема, околу еден носител на должност или избрано и именувано лице од Собранието, рече тој.

Идејата на лидерот на СДСМ, Венко Филипче, за креирање наднационална платформа за најважните државни прашања од сите парламентрани партии, за Гаши е прифатлива но како претседател на Собранието, рече, дека ќе се огради од дополнителни коментари на политички изјави од партиски лидери.