Автомобилизам

Кои марки на автомобили ги избираат најинтелигентните возачи?

Интересно истражување.

Британската компанија „Scrap Car Comparison“ се одлучи за интересно истражување во соработка со лондонската консултантска компанија „Censuswide“. Врз основа на анализа на 2.024 возачи во Велика Британија, утврдено е кои автомобили ги возат најинтелигентните возачи.

Беа споредени вкупно 27 марки на автомобили со доволен статистички примерок за 22 марки. Коефициентот на интелигенција (IQ) е стандардна проценка на интелектуалните перформанси на секој поединец.

Се смета дека две третини од населението имаат ниво помеѓу 85 и 115 поени. Исто така, беше откриено дека само 2,5% од луѓето се надвор од нормата, или поради резултат под 70 или, во друга крајност, поради резултат над 130.

Покрај тоа, мало малцинство кое има коефициент на интелигенција поголем од 144 припаѓа на групата луѓе кои се сметаат за надарени, според истата скала на интелигенција Стенфорд-Бинет.

По евалуацијата на учесниците во истражувањето, тие беа класифицирани според брендот на автомобилот што го поседуваат, што доведе до првите заклучоци.

Истражувањето спроведено од „Scrap Car Comparison“ покажа дека возачите со повисок коефициент на интелигенција, со просечна оценка од 99, поседуваат автомобили „Škoda“.

Тие формираа и група во која е забележано помалку раздразливо или агресивно однесување, па се покажаа како најмирни зад воланот. По „Škoda“, следуваат сопствениците на „Suzuki“ (98,09), „Peugeot“ (97,79), „Mini“ (97,41) и „Mazda“ (95,91).

На другиот крај од спектарот, возачите на „Land Rover“ (88,58), „Fiat“ (90,14) и „BMW“ (91,68) имале понизок коефициент на интелигенција.

Сепак, анализата открива дека целата група на испитаници била во рамките на она што се смета за просечен резултат, помеѓу 85 и 115 на скалата на коефициентот на интелигенција.

Друг заклучок од британската студија нагласува дека најинтелигентните возачи претпочитаат автомобили на бензин, што е парадокс во средината на процесот на електрификација на автомобилите.

Автомобилите на бензин ги возат луѓе со висок коефициент на интелигенција (94,35), а потоа следат сопствениците на верзии со хибридни (93,89) и дизел мотори (92,91).

Возачите на електрични автомобили се само на четвртото место (90,19). Исто така, на најинтелигентните возачи најмногу им се допаѓа белата боја на автомобилот, а потоа сивата и црвената.

Секако, на крајот треба да се земе предвид дека ова истражување е од Велика Британија. Можеби резултатите во Македонија би биле поинакви.

Автомобилски марки и коефициент на интелигенција:

Škoda: 99

Suzuki: 98,09

Peugeot: 97,79

Mini: 97,41

Mazda: 95,91

Toyota: 95,76

Vauxhall/Opel: 95,11

Mercedes-Benz: 94,74

Nissan: 94,71

Seat: 94,71

Citroen: 94,29

Hyundai: 93,52

Renault: 93,41

Audi: 93,25

Kia: 93,01

Honda: 92,88

Ford: 92,75

Volvo: 92,40

VW: 92,25

BMW: 91,68

Fiat: 90,14

Land Rover: 88,58

Фудбал

Варан го напушта Манчестер јунајтед

Варан е дел од Манчестер Јунајтед од 2021 година, кога дојде како засилување од Реал Мадрид.

Дефанзивецот Рафаел Варан е подготвен да го напушти Манчестер Јунајтед на крајот од сезоната кога ќе му истече актуелниот договор, а клупското раководство е сè поблиску до одлука да му дозволи на 31-годишниот фудбалер да си замине како слободен играч на лето, пренесува денеска Би-Би-Си.

Варан е дел од Манчестер Јунајтед од 2021 година, кога дојде како засилување од Реал Мадрид.

Тренерот на Јунајтед, Ерик тен Хаг, вчера изјави оти се надева дека дефанзивецот ќе биде подготвен за настап за денешниот домашен натпревар против Барнли во 35. коло од Премиер лигата.

Јунајтед е шестопласиран на табелата во Премиер лигата со 53 бодови.

Регион

Брнабиќ: Во следните 48 часа ќе има седница на која Вучевиќ ќе предложи министри

 Во следните 48 часа ќе има седница на која Вучевиќ ќе предложи министри за новата влада.

Претседателката на Собранието на Србија, Ана Брнабиќ, денеска изјави дека очекува во следните 48 часа, седница на Претседателството на Српската напредна странка, на која нејзиниот претседател Милош Вучевиќ би презентирал кого предлага за министри во новата Влада.

Рокот за нејзино избирање во Собранието е 6 мај, така што ќе работиме следната недела, изјави таа, пренеесе Бета.

Според неа, Србија ја чекаат големи и тешки битки за националниот интерес и претстои „тежок мај“.

Свет

Протестите во кампусите на универзитети во САД против војната во Газа продолжија

Протестите во кампусите на универзитети во САД против војната во Газа продолжија, професорите ги поддржуваат студентите.

Студентите кои протестираат против војната меѓу Израел и Хамас на универзитетите низ САД денеска ветија дека ќе продолжат со демонстрациите, а професорите ги осудија претседателите на универзитетите кои повикаа полиција да ги отстрани демонстрантите од кампусите.

Додека Универзитетот Колумбија продолжува да преговара со пропалестинските демонстранти, советот на универзитетот во петокот усвои резолуција за формирање работна група за истрага на раководството на администрацијата, која минатата недела ја повика полицијата да ги евакуира студентите, што резултираше со застој и повеќе од 100 приведени.

Полицијата привела околу 100 луѓе денеска наутро во обид да го расчистат пропалестинскиот протестен камп на Нортистерн Универзитетот во Бостон поради антисемитски навреди, соопштија од НВУ.

Акцијата беше преземена откако демонстрантите кои прибегнаа кон „вирулентни антисемитски навреди, вклучително и „Убиј ги Евреите“, ја преминаа границата“, се вели во соопштението на универзитетот на Х.

Иако универзитетот постојано поставуваше, а потоа ги одложуваше роковите за отстранување на кампот поставен од демонстрантите, универзитетот испрати е-пошта до студентите во петокот вечерта во која се вели дека враќањето на полицијата во кампусот во овој момент би било контрапродуктивно, јавија американсккте медиуми.

притисни ентер