Оваа дилема се отвори откако во јавноста се проширија толкувања на одредени експерти дека веднаш штом пратениците го изгласааат договорот, Нимиц веднаш ќе ја започне процедурата, без да се чека потпис од претседателот Иванов, исходот од референдумот и уставните измени..
Но, Договорот е сосема јасен – тој ќе стапи на сила дури откако ќе Македонија ќе ги заврши уставните измени и за тоа ќе ја информира Грција, а таа без одлагање ќе ја ратификува спогодбата во Парламентот и во рок од две недели за тоа писмено ќе ја информира Македонија..
Оваа Спогодба ќе влезе во сила на датумот на прием на последното известување од односната Страна. – стои во точката 3 од членот 20 посветен на завршните одредби.
Во точката 5, пак, децидно стои дека разликите околу името наведени во Резолуциите 817 и 845 на ОН ќе се сметаат за решени по влегувањето во сила на Спогодбата. Ова значи дека дури откако и грчкиот парламент ќе го ратификува Договорот, ќе започне процедурата за нова резолуција на Советот за безбедност.
Во точката 6 е дефинирано:
-Што е можно поскоро по влегувањето во сила на оваа Спогодба, Страните или една од Страните ќе го извести Генералниот секретар на Обединетите нации за влегувањето во сила на оваа Спогодба, како и за датумот на кој истата влегла во сила, а со цел нејзино спроведување во Обединетите нации.
Со договорот и двете страни се заштитени – ако Македонија не ги исполни обврските, Грција нема да го ратификува договорот. Ако пак, Македонија ги исполни, а Грција сепак не го ратификува, тогаш Спогодбата се уште ќе се смета дека не е стапена на сила.
-Доколку оваа Спогодба не влезе во сила, оваа Спогодба, во целост и секоја нејзина одредба поединечно, нема да имаат никакво дејство или примена, ниту привремена, ниту било каква друга и истата нема да на било кој начин да ја обврзува било која од Страните. –стои во точката 4 од завршните одредби.
Од македонската Влада велат дека во оваа фаза, медијаторот Нимиц само ќе ги информира Обеденетите нации за постигнатата Спогодба, но без започнување на било каква формална постапка.
Ратификацијата на Договорот во Собранието сега ќе произведе само обврска за Грција – да ги информира НАТО и ЕУ дека името веќе не е пречка за интеграциите.