Македонија

Коѕијас: Заев треба да се притиснe преку ЕУ, НАТО и Нимиц

Изјавите на премиерот Заев за можноста македонскиот јазик да се изучува во Грција, го поткопува и Преспанскиот Договор и Времената Спогодба од 95-тата, изјави Никос Коѕијас.

Изјавите на премиерот Заев за можноста македонскиот јазик да се изучува во Грција, го поткопува и Преспанскиот Договор и Времената Спогодба од 95-тата, вели во интервју за телевизија Антена, поранешниот министер за надворешни работи и творец на Договорот за името, Никос Коѕијас.

Прашањето - кој јазик ќе се изучува во Грција е единствено во наша надлежност, појаснува Коѕијас, прашан што би направил ако се уште беше дел од Владата на Ципрас.

-Ќе го потегнев за уши на сите начини, и од НАТО, од Европската унија и од Нимиц. Во однос на спорниот член 49 од македонскиот устав, тој треба да се промени. Во него треба да има референца, налик на онаа во грчкиот Устав, каде не се зборува за постоење малцинство, кое живее во друга држава, на пример во Германија, изјави Никос Коѕијас, поранешен министер за надворешни работи на Грција

Токму членот 49 од Уставот, како и членот 36, во изминатиов период беа најспорните прашања за Атина. Членот на кој реагира Коѕијас, ќе претпри измени со последниот од четирите предложени амандмани, според кој, македонскиот народ во соседните земји, се менува со македонскиот народ во странство, за да се избегнат иредентистичките елементи.

*Републиката се грижи за положбата и правата на припадниците на македонскиот народ во соседните земји;

*Републиката се грижи за припадниците на македонскиот народ кои живеат во странство;

Забелешки на истиот став од овој амандман, има и универзитетскиот професор Фрчковски, кој смета дека македонскиот народ во странство, треба да се замени со зборот дијаспора.

-Третиот став, Републиката се грижи, по мое мислање дека треба да стои само дијаспората. Републиката се грижи за припадниците на дијаспората. Тоа подразбира што е дијаспора, не се навлегува која дијаспора, вели Љубомир Фрчковски, универзитетски професор

Премиерот Заев на вчерашната прва дебата за уставните измени рече дека македонската влада е во постојани косултации со Грција околу содржината на нацрт-амандманите.

Кошарка

Мајк Џејмс се расплака како мало дете по историскиот пораз (ВИДЕО)

Екипата на Монако претрпе пораз во петтиот натпревар пред своите гледачи по продолженијата против Фенербахче, а Мајк Џејмс не можеше да ги задржи солзите по мечот.

Војводите беа поразени со резултат 80:79, па по последниот судиски свиреж, првата ѕвезда на Монако беше видена како плаче додека го напушта теренот.

Несомнено е дека поразот тешко му падна како играч од кого се очекува најмногу.

Овој натпревар донесе нова страница во историјата, бидејќи ова е прва победа на гостинската екипа во петтиот натпревар од плејофот во Евролигата. Досега резултатот беше 0-19, но сега историјата се промени.

Македонија

Битиќи: Одлучив да поднесам оставка од функцијата потпретседател на партијата

Потпретседателот на СДСМ Фатмир Битиќи поднесе оставка од таа позиција.

Почитувани граѓани и граѓанки

Стојам пред вас со благодарност, но и со чувство кое ги надминува резултатите од парламентарните избори. Вашиот глас за листата на пратеници на СДСМ и Коалицијата за европска иднина, на која бев ко-носител во втората изборна единица, не е само бројка – тоа е израз на доверба и верување во нас, за што го изразувам своето големо почитување.

Гласовите кои ги добивме претставуваат и огромна обврска. Обврска да продолжиме со нашата политичка мисија, обврска да го засилиме дијалогот и да ги слушаме потребите на нашите сограѓани. Но, дел од исполнувањето на оваа обврска бара и политичка одговорност, бара промена.

Како потпретседател на Социјалдемократскиот сојуз на Македонија, обврзан на етички и демократски вредности, одлучив да поднесам оставка од функцијата потпретседател на партијата. Мојата оставка комплетно ќе се ефектуира кога останатите мои другари и другарки кои го сочинуваат партиското раководство ќе го направат истото – од првиот до последниот.

Во целата моја политичка кариера барам лична одговорност од сите чинители – и овој акт е токму тоа. А оставката на раководството е неопходен чекор кон враќање на довербата на граѓаните и трасирање на патот кон иден политички успех.

Упатувам апел дека оставката не претставува политички акт на пораз на социјалдемократската идеја, туку порака и предизвик за подобрување и преиспитување на СДСМ.

Прифаќањето на политичка одговорност нема да биде знак на слабост, туку израз на лична и партиска демократска зрелост, како и подготвеност да се промениме и да растеме – и ставаме приоритет на колективниот интерес пред личните амбиции.

Да се вратиме повторно меѓу граѓаните, да го слушнеме нивниот пулс и да ги разбереме нивните потреби и да се вратиме на нашите социјалдемократски вредности. Само на овој начин може да дојдеме до нови идеи, пристапи и енергија кои може да ја зајакнат визијата и стратегијата на СДСМ па да се вратиме со крената глава во политичката арена за да ја добиеме битката за европска Македонија – ветување кое го дадовме на граѓаните и кое им должиме да го исполниме.

И за крај: нека е ова новиот почеток кој ќе ги обедини сите искрени другари и другарки во идејата за социјалдемократија, во идејата за соживот, во идејата за Едно општество за сите каде владее правичноста, солидарноста и еднаквоста.

За силен и единствен СДСМ.

Извор: Фактор

Свет

Бајден ќе воведе построги правила за добивање азил на границата со Мексико

Администрацијата на американскиот претседател Џо Бајден има намера да го заостри пристапот до азил на границата меѓу САД и Мексико со нова регулатива што би можела да биде издадена уште утре.

Администрацијата на американскиот претседател Џо Бајден има намера да го заостри пристапот до азил на границата меѓу САД и Мексико со нова регулатива што би можела да биде издадена уште утре, со цел намалување на илегалните преминувања, изјавија три извори запознаени со ова прашање.

Регулативата ќе бара мигрантите да бидат проценети во почетна фаза од проверката за азил за да се види дали треба да им биде одбиен азил и брзо да бидат депортирани, велат анонимните извори. Мерката се чини дека е ограничена по обем, додаваат тие.

Мигрантите ќе бидат проценети за забрана за барање азил врз основа на криминал и безбедносни закани, изјавија два извори. Белата куќа не одговорила веднаш на барањето за коментар.

Американскиот претседател Бајден, демократ кој бара уште еден мандат, се соочи со рекорден број мигранти фатени додека ја минуваат границата меѓу САД и Мексико откако ја презеде функцијата во 2021 година.

Поранешниот претседател Доналд Трамп, републиканскиот противник на Бајден, го критикуваше актуелниот претседател за повлекување на порестриктивните политики што тој ги воведе за време на неговиот мандат.

притисни ентер