Сем Алтман и Грег Брокман, ко-основачи на OpenAI, „ќе им се придружат на колегите во Мајкрософт и ќе водат нов истражувачки тим за вештачка интелигенција“, напиша сопственикот на американскиот технолошки гигант Сатја Надела на платформата X (поранешен Твитер).
OpenAI е старт-ап кој го разви ChatGPT, алатка за вештачка интелигенција (AI).
„Мисијата продолжува“, одговори Сем Алтман (38) на социјалната мрежа Х.
Мајкрософт инвестираше милијарди долари во OpenAI и ја инкорпорираше технологијата во сопствените производи, како што е пребарувачот Бинг.
Одборот на директори на OpenAI ги изненади сите во петокот кога го објави отпуштањето на суперѕвездата од Силиконската долина, наведувајќи дека Алтман не бил „постојано искрен во своите комуникации“ и ја изгубил довербата во неговата способност да управува со компанијата.
По разрешувањето на Алтман, неколку луѓе на водечки позиции во OpenAI најавија заминување, меѓу кои и Грег Брокман.
Првата верзија на ChatGPT беше лансирана на 30 ноември 2022 година, започнувајќи ја трката во вештачката интелигенција.