Откако Тифани на приватниот лет во петокот вечерта слета на аеродромот „Никола Тесла“ во Белград, сите се прашуваа која е причината за нејзината посета на Србија.
Како што пренесува српски „Блиц“, ќерката на Трамп во Белград дошла, меѓу останатото, за да се види и со лекари кои се занимаваат со интегративна медицина.
Овој вид на лекување, кој е се уште во развој, претставува најдобар спој од научната медицина и клинички докажаните методи на комплементарни и традиционални гранки на медицината.
На Тифани и е направен детален преглед и дадени и се совети како да го подобри начинот на живот низ исхрана и физичка активност.
Бидејќи податоците за пациентите се строго доверливи, а тука станува збор за ќерката на претседателот на САД, никој не знае дали Тифани има одредени здравствени проблеми или отишла превентивно.
„Не знам кој ви го рекол тоа. Не би сакал да зборувам на оваа тема“ – кратко одговорил Момир Дуњиќ, кој не демантирал дека Тифани Трамп била негов пациент.