Кинеската влада агресивно ги повикува луѓето да вежбаат за да го зајакнат имунитетот и да се борат со коронавирусот што однесе над 1.600 животи и предизвикаа глобални немири.
На повеќето од 1,4 милијарди Кинези им било речено да не ги напуштаат домовите, а спортски сали и фитнес клубови се затворени. Луѓето затоа се натпреваруваат на социјалните мрежи за тоа колку шишиња вода можат да подигнат наместо гира, колку склекови да направат, или колку пати се качуваат по скалите.
Пан Шанку лесно би освоил неофицијален златен медал бидејќи истрчал 66 километри во неговиот стан за 6 часа и 41 минута. Тој има апликација за податоци за да го докаже тоа, а исто така снимил и видео како трча околу мебелот во станот.
„Најпрво имав мала вртоглавица, но се навикнав на тоа по неколку круга“, рече 44-годишникот од градот Хангжу.
Претходно, тој истрчал 30 километри на истото место, во својата бања и ја пренесувал трката во живо на интернет. Тој вели дека со тоа сака да ги охрабри другите кои се приковани во своите станови.
Кинеските власти започнаа посебна кампања во која нивните Олимпијци му демонстрираат на населението како да останат „фит“ во карантинот во нивните домови.Акцијата е наменета и за децата.