Кинески астронаут запали свеќа, строго забрането на Меѓународната вселенска станица (ВИДЕО)

Кинеските астронаути Гуи Хаичао и Жу Јанжу запалија свеќа на вселенската станица Тиангонг за да го покажат однесувањето на пламенот во микрогравитација.

Тоа го направија во директен пренос за кинеските медиуми, а како дел од лекцијата од орбитата, четврта во програмата „Тјангонг училница“. Пламенот на свеќата, кој Гуи ја запали со кибрит, имаше речиси сферична форма, а не вообичаената форма на солза што ја знаеме на Земјата, пишува Space.com.

Кога ќе се запали свеќа на Земјата, пламенот добива специфичен облик бидејќи топлиот воздух се крева и студениот воздух се спушта. Овие правила речиси и да ги нема во микрогравитацијата, во орбитата на Земјата. Затоа, формата е иста во сите правци.

Астронаутите или таиконаутите, што е терминот што Кина го користи за своите вселенски патници, одржаа час во пет училишта во Кина. Досега покажаа различни експерименти.

Интересно е, пишува Space.com, дека палењето свеќа во Меѓународната вселенска станица (ISS) би било забрането бидејќи има строга контрола кога станува збор за запаливи материјали и отворен пламен. Тие правила беа воведени по пожарот на руската вселенска станица Мир во 1997 година и се однесуваат на МВС, лансирана една година подоцна.

Тиангонг е кинеска вселенска станица која беше лансирана во вселената во 2021 година. Во орбитата е 884 дена и била управувана 753 дена. За тоа време имало пет експедиции до вселенската станица, а сегашниот екипаж пристигнал на 30 мај годинава и е предвидено да остане до ноември.

Фото:Девојката на екс фудбалер на Барса воодушеви со секси фотографии

Девојката на шпанскиот фудбалер и поранешна ѕвезда на Барселона, Марко Бартра е голем љубител на социјалните мрежи.

Убавата Џесика сега ги воодушеви следбениците на Инстаграм со атрактивни фотографии на која таа е облечена само во минијатурно бикини.

На фотките убавата Џесика Гојкочеа која е манекенка ја покажа својата совршена фигура и на тој начин собра голем број лајкови на социјалните мрежи.

Унион Берлин му врачи отказ на Бјелица

 Бундеслигашот Унион Берлин се раздели со тренерот Ненад Бјелица, ден откако клупскиот претседател изрази поддршка на хрватскиот стратег.

Унион загуби со 3-4 на домашен терен од ривалот за испаѓање Бохум во неделата и се наоѓа на еден бод и едно место над плеј-офот за опстанок на два натпревари до крајот на сезоната.

Бјелица седна на клупата на Унион во ноември откако Урс Фишер беше отпуштен по серијата слаби резултати, и покрај тоа што го обезбеди првиот настап во Лигата на шампионите претходната сезона.

Унион соопшти дека клубот на двата завршни натпревари ќе го предводат Марко Гроте, заедно со сегашниот помошник тренер Мари-Луиз Ета, првата жена која предводеше машки тим на натпревар од Бундеслигата.

Макрон ја поздрави намерата на Кина да се воздржи од продажба на какво било оружје на Москва

 Францускиот претседател Емануел Макрон за време на денешната заедничка прес-конференција со претседателот Си Џинпинг во Париз, ги поздрави „намерите на Кина да се воздржи од каква било продажба на оружје“ и „каква било помош за Москва“.

Шефот на француската држава, исто така, ја поздрави „подготвеноста“ на неговиот кинески колега „да ги замоли сите заинтересирани страни“ во различни конфликти на „олимписко примирје“ за време на летните Олимписки игри во Париз.

притисни ентер