Шоу биз

Кевин Харт се откажa од водење на Оскарите поради контроверзните твитови

Само два дена откако беше најавено дека Кевин Харт ќе биде водител на претстојната вечер на Оскарите, тој беше приморан да се откаже од водење на гала-вечерта.

Само два дена откако беше најавено дека Кевин Харт ќе биде водител на претстојната вечер на Оскарите, тој беше приморан да се откаже од водење на гала-вечерта поради негативните реакции од публиката, која го осуди поради неговите контроверзни твитови од пред неколку години.

Денеска комичарот на неговиот Twitter профил објави извинување за неговите „бесчуствителни зборови“ и реши да отстапи од улогата на водител на Оскарите.

„Донесов одлука да се откажам од водење на Оскарите оваа година. Го правам ова за да не претставувам дистракција на вечерта која ќе биде исполнета со многу неверојатни и талентирани артисти. Искрено ѝ се извинувам на ЛГБТК заедницата за бесчуствителните зборови од моето минато“, напиша Харт.

Пред да се обрати на Twitter, Кевин Харт преку видео на Instagram рече дека Академијата го повикала да се извини бидејќи во спротивно ќе му ја одземат водителската улога на Оскарите. Тој додаде дека одбива да се извини поради тоа што темата веќе неколкупати досега е споменувана и сите знаат дека тој поминал низ овој процес, како и дека сега е друг човек во споредба со старите денови кога се напишани тие твитови.

„Без разлика, благодарен сум на Академијата за укажаната шанса. Не е страшно ако вечерта помине без моето присуство“, рече Кевин Харт.

На Академијата останува да го пронајде новиот водител на Оскарите, а неговото име веројатно ќе биде објавено до крајот на наредната недела.

Тенис

Синер: Морав да се повлечам од турнирот во Мадрид

Италијанскиот тенисер Јаник Синер објасни зошто решил да се повлече од турнирот во Мадрид.

Во четвртфиналето на Мастерсот требаше да игра со Канаѓанецот Феликс Оже-Алиасим, кој сега автоматски се пласираше во полуфиналето, каде што ќе игра со победникот од двојката Данил Медведев - Јиржи Легечка.

- Многу е тажно да го пропуштам мојот следен натпревар овде во Мадрид. Колкот ме мачи оваа недела и болката постепено се влошува. Следејќи ги советите на лекарите, решивме дека е подобро да не играме понатаму. Во текот на следните неколку дена ќе спроведам други тестови и ќе ги следам советите на специјалистите за закрепнување. Ви благодарам за поддршката, напиша Синер на социјалните мрежи.

Оваа сезона 22-годишниот Италијанец освои три турнири - Австралија опен, како и турнирите во Ротердам и Мајами. /МИА

Свет

Блинкен го повика Хамас да се согласи за примирје за да им помогне на луѓето во Газа

Хамас соопшти дека ќе одговори „во многу краток период“ на предлогот.

Највисокиот американски дипломат Антони Блинкен го повика Хамас да го прифати планот за примирје во Газа и покрај израелското предупредување дека армијата ќе продолжи да се бори против палестинската милитантна група по каков било прекин на огнот.

Посредниците предложија договор за примирје со кој би се запреле борбите на 40 дена и би се размениле заложници.

Хамас соопшти дека ќе одговори „во многу краток период“ на предлогот.

„Хамас треба да каже „да“ и треба да го заврши тоа“, рече Блинкен синоќа додека беше во Израел на својата седма турнеја на Блискиот исток од почетокот на конфликтот во октомври.

Тој подоцна додаде: „Ако Хамас всушност тврди дека се грижи за палестинскиот народ и сака да види итно олеснување на неговото страдање, треба да го прифати тој договор“. /МИА

Свет

Фон дер Лајен во посета на Либан

Претседателката на Европската комисија, Урсула фон дер Лајен денеска во придружба на шефот на кипарската држава Никос Христодулидес ќе престојува во посета на Либан. 

Како што соопшти Европската комисија, предвидено е Фон дер Лајен и Христодулидес во Бејрут да се сретнат со либанскиот премиер Наџиб Азми Микати и со претседателот на Парламентот, Набих Бери.

Либан нема претседател од октомври 2022 година кога истече мандатот на дотогашниот шеф на државата Мишел Аун, а Парламентот од тогаш не успеа да обезбеди мнозинство за избор на негов наследник.

Според најавите, се очекува Фон дер Лајен и Христодулидес на своите либански домаќини да им претстават пакет економска помош за земјата за справување со проблемот стотициите илјади сириски беглаци за кои постои стравување дека би можеле да се упатат кон Кипар, во обид да дојдат на територијата на ЕУ.

Дополнително на средбите ќе стане збор и за билатералните односи, безбедносните предизвиците со кои се соочува Либан и неопходните рефоми во земјата. /МИА

притисни ентер